[align=center]بسم الله الرحمن الرحيم
...............
مساء الخير للجميع
وإليكم القصيدة
........[/align]
[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تمضي سنين العمر وتقل الأصحاب=والآدمي ربحه بالأيام خافي
أبواب تُقفل والولي يفتح أبواب=أمراض تنزل والكريم المعافي
أشياء تشد أعصاب وتريّح أعصاب=والعمر مايبقى على طول صافي
هي سنة الأيام دوره ودولاب=والنفس طرّاده للأطماع هافي
راع الفقر لايامن يجر الأسلاب=من يغتني لايامن يسير حافي
الوقت مد أرقاب ويثنّي أرقاب=ولولا المرض مانهتني بالعوافي
وبين القصور وبين منسوج الأطناب=الحب يبقى داخل القلب غافي
نركض ونشقى.. لكن ننحب الأطياب=الآدمي قلبه مع البرد دافي
وياصاحبي لاتحسب الظرف غلاب=لوهو جفاني الوقت ماني بجافي
قدرك بقلبي لو فتحنا له حساب=يملا بنوك الحب وتقول كافي
سوق التداول خاب ومساهمه تاب=والا انت سهمك طول الأيام وافي
أربح بحبك لو نزل سهم ينساب=ربحي كبير ولو تطيح المصافي
انت التجاره.. والخساره بالأحباب=وصلك على تقصير الأيام ضافي
المال يلحق دام للمال طلاب=مار البلا وأحباب قلبك مقافي
لاصار خلك ينحسب ضمن الأغراب=أو غاب بالدنيا صديقٍ سنافي
والقل قل العرف .. أو قل الأصحاب=والرزق بإيد اللي يدير السوافي[/poem]
[align=center]
وسلامتكم[/align]