تناديني فهد واسمي انا ياللاسف جابر

[فهده]

السلام عليكم ورحمة الله وبركاته



سبع ساعات وانا اتكلم واسولف واستخف دمي

وهي تسمعني وتضحك ومبسوطه على الأخر


::


سبع ساعات اعلمها عن احزاني وعن همي


واسولف عن حكايا الطفل كان وصار هالشاعر


::


سبع ساعات تتساقط حروف الصدق من فمّي


على صحرا مسامعها سحاب العشق متناثر


::


سبع ساعات وتحلف لي براس العشق وتسمي


تقول انت الوحيد اللي ملكني حبك الساحر


::


سبع ساعات ونادتني بأسمه ما هو بأسمي


تناديني فهد واسمي انا ياللاسف جابر


::


تشنج كل شيٍ كان حولي ومسمعي يدمي


ركز خنجر فهد في مسمعي من صوتها الخادر


::


تخدّر فكري وجسمي وذاب بداخلي عظمي


وصرت اسمع صدى صوتٍ يردد غلطة الشاطر


::


يردد غلطة الشاطر بعشرة واقعي وحلمي


وترددها زوايا غرفتي والواقع الغادر


::


كثير اصوات شقت جلدي اللي يحتضن عظمي


وصراخ الباب والدولاب والشباك والساتر


::


وونات القلم والدفتر اللي يلتفت يمي


وخايف وش ابي اكتب بوسطه من هنا لـ باكر


::


وكانت ساكته وصوت النفس من خشمها و خشمي


ربع ساعه وبحة صوت قالت: خير وش صاير


::


وطرا في بالي عبدالله وخالد واحمد ونشمي


ولآخرهم فهد تسعه وانا مدموغه العاشر


::


وقلت ابداً مغير الخير ولكن امسحي رقمي


اكيد انه فهد جالس سبع ساعات وهو ناطر


::


وقالت لي: رجاءً او اقولك.. طير ياعمي


مسوي حضرتك في هالزمان العاشق الطاهر


::


وقالت لي: اقول! وقلت: انا بقول وذا علمي


عجب هالناس وش هالناس تخطي وبالخطى تكابر


::


انا يابنت بنثر لك حياتي واجمعي لمّي


بعضه بنثره في مسمعك هالحين ومن خاطر


::


ترا عمري انا تسعه وعشرين وكذا رسمي


ولكن عشت ايامي دبلها مقبل وعابر


::


اصيل وكل اصيلٍ مايبي مدحي ولا ذمي


وسبع انعام في هالناس اخص الحامد الشاكر


::


انا من نجد وربعي هم عتيبه وخالي الدحمي


وبرقا لحمي ودمي وانا من روق ومع ناصر


::


انا جابر ولد هايف وسلم الطيب هو سلمي


ابو الي مربيني على الجزلات واتفاخر


::


انا راعي مجاهيمٍ يشع بفخذها وسمي


وراعي خيل وراعي بير وبيتٍ مبغضه كافر


::


على الرمضى ابت رجلي بأرضٍ عاشقه ضمي


وشمسٍ تشرق وتوقف على راسي وانا صابر


::


عرق وجهي يصب وامسحه بشماغي وكمي


وألد عيوني عن ناسٍ سرقني يمها الناظر


::


وانا شاعر ولو اكتب عجز كل فكر في نظمي


ولاني بالغرور احكي ولكن واثق وقادر


::


وانا رجال هاوي للقمم ويقودني عزمي


وابي ارقى على راس الجبل وانتي مع الحادر


::


عرفتي ليه انا طاهر؟ لانك همي وغمي


ولان الدنيا في عيني جبل نرقاه ونغامر


::


يابنت الناس شفتي كيف بليّا سلاح مانرمي


ولانوقف بوجه البندق المليان ونخاطر


::


خلقنا الله بشر بعقول وذا واقع وذا وهمي


وكلٍ يتبع مراده وفينا رابح وخاسر


::


وقالت لي فمان الله شعلت النار في جسمي


فمان الله يالطاهر ومثلك قله ونادر


::


ورحت آخذ كتاب الله واحلف بالكتاب:" امي


لو ان اسمي فهد بالله ماكان احلى من جابر..!!؟


وبس

سلام..

[Aqua Butterfly]

شـكــ وبارك الله فيك ـــرا لك ... لك مني أجمل تحية .

[فهده]

نور التقى

مشكوره ع الطله

حياك

[][ سما الدوحه ][]

[align=right]قليل..في هذا الزمان

من يملكون الحس الراقي..

والعشق السامي..

وصدق المشاعر..

بنت برقا..

تسلم يمينج[/align]

[بسمة امل]

ورحت آخذ كتاب الله واحلف بالكتاب:" امي


لو ان اسمي فهد بالله ماكان احلى من جابر..!!؟


ياااااهـ يالحب " الصادق المخلص " ...

الله يعطيك الف عافيه يا ذووووق

[غادة اليم]

أنتقاء روعة يابنت برقا .
فعلاً الطيبون للطيبات !

[فهده]

سما الدوحه

بسمه امل

غادة اليم

مروركم يشرفني
حياكم

[محمد بن ضاوي]

ورحت آخذ كتاب الله واحلف بالكتاب:" امي
,,,,,,,,,,,,,,, لو ان اسمي فهد بالله ماكان احلى من جابر..!!

والله شكله من ربع مبسوطين ومستانسين هههههههههههه


تسلمين بنت برقا على هالنقل الحلو وصح لسان قايلها فهد ههههههههههه

[فهده]

محمد بن ضاوي

مرورك شرف

حياك

[وجن محمد]

راااااااااااااااائعة يابنت برقا !!

وربي اعجبتني حييييييييييييل حييييييييييييييييل ..


صح لسان كاتبها وبيّض الله وجهه آمـــــــــــــــــــــين !!

تسلمين لهذا النقل ,,

[خــــالـــــد]

[align=center]
تسلم يمينك أختي ..

والله يعطيك العافية

ما شاء الله عليك اختيار رايق !![/align]

[فهده]

رحيلووه


خالد

مشكورين ع المرور

حياكمـ

[لمعـه]

والله روعه
تسلم يمينك عل النقل
وصح لسانك ولسان من قال

دمت بود

[فهده]

وهج المشاعر

مشكوره ع التشريف

حياكــ