[align=center]ارسل احد الزملاء رسالة مداعبه
مع احد العماله الموجوده بالعمل
وهذا الشخص رفض ان يكمل القصيده
باكثر من خمسة ابيات
مع تمكنه واجادته لما يكتب
واليكم القصيدة واتمنى ان تحوز رضاكم[/align]
[poem=font="Simplified Arabic,5,black,bold,normal" bkcolor="transparent" bkimage="backgrounds/5.gif" border="solid,4,crimson" type=0 line=0 align=center use=ex num="0,black"]
يقولون يانياف فالنت لك سجات=تسجل حضورك كل يوم اب محطتها
جهازك معك محمول وتراسل الخفرات=يدينك على الكيبورد ياخف لمستها
انا خابرك ياذيب مالك بهالشغلات=تحب القنص والنفس تمشي برغبتها
وطبع البداوه فيك تحمل لها سيمات=عسى من غرسها فيك مثواه جنتها
وانا هقوتي بك زود لايلحقك شكات=ولكنً زان القاف وأخذت فرصتها[/poem]
[align=center]اليكم الرد [/align]
[poem=font="Simplified Arabic,5,darkred,bold,normal" bkcolor="transparent" bkimage="backgrounds/29.gif" border="solid,4,gray" type=1 line=0 align=center use=ex num="0,black"]
لفانا غلام اكبر ضحى سبتنا اللي فات=ومد الرسالة مادرى ويش غايتها
نشدته غلام اشفيه ثم هز له هزات=وتمتم علومٍ ماأعرف ويش رطنتها
وقلت اكشف الموضوع دام الرسالة جات=أعرف الهدف منها ومن أين وجهتها
هلا مرحبا واهلين يابادع الابيات=بيوتك تسر العين ياسعود نظرتها
هدفها السلام وحامض العلم لك شرهات=وبعض العرب ياسعود ياكبر شرهتها
ترى شرهتك ياسعود جاين لها وجعات=تخج الضمير الحي من قو وجعتها
صحيح انت تعرفني وانا باخص الغايات=ولكن غيرك ينطلق خلف جرتها
يعيش السعادة غامره مع هل النمات=ليا شافهم قال القصيدة وقصتها
يجمع علومه مع هل الحش والهذرات=يسوي لها قاموس من قو فرحتها
وسيناريو جاهز ويعمل لها حلقات=ويلقى لها جمهور يفرح بشوفتها
وبأسبابها جاني قلق يارفيع الذات=على شان مالي بالنمايم وشلتها
انا حافظٍ سلمي وباقي على العادات=حشا ماندفع خلف الليال وملذتها
انا مادخلت النت أدور بنات الشات=انا ويش ابا بللي رمت كل قيمتها
أدور علومٍ غانمه مع هل الطالات=وأسوق القوافي وأتخير بنقوتها
أعرض القوافي عرض مع طيبين الذات=رجالٍ لها بالشعر ياسعود صولتها
يحرصون لاساقوا يسوقونهن جزلات=مثل دلةٍ بالهيل يازين صبتها
وأذا كان لك رغبة هلا وابرك الحزات=على ملتقى الشعار برمج محطتها
الناااااااايف[/poem]