مدري ليه من امس والناس طايحين فيني تخرع :(
امس وهو الخميس
طلعنا انا و قريباتنا قلنا بنروح عالم الثلج بما انه للنساء يوم الخميس
طبعا هو في الدمام و انا الله بالخير على الدمام ما اعرف فيها و لا نص شبر
ويقولون لي اسألي اي احد وانا مني راضية جلست امشي على حدسي :)
الين ما وصلتها بس بعد ساعتين لو اننا رايحين الرياض ابرك :تصفير:
المهم وصلنا وانا بيني وبينكم ما كنت متحمسه للسالفة كنت ابي اطلع للملاهي اللي جنبها العب << تبي ترجع بزرة بالغصب :)
المهم دخلنا و عطونا الجاكيتات ولبسونا الجزم الحمدلله والشكر ماعندكم الا مقاسات كبيرة انا رجلي ضايعة بالبوت
المهم ودخلنا مكان الثلج
الا بررررررررررد << احلفي
انا كنت مريضة ورحت هناك انعدمت
طبعا للي ما يعرف لما ندخل يعطونا شي دائري ننثبر فيه نتزلج على الثلج
و نفس هذا الشي فيه مساكتين من الجنب
قلنا راح نمسك كلنا في بعض
يوم مسكت تبع اللي جنبي من كثر البرد يوم كفست اصابعي
حسيت ان دمي يسوي تشك تشك تشك << الثلج لما يتكسر
و اول مرة احس اني بيضا لان خشمي قلبب احمر :D
المهم بصراحة المكان هناك يخوف يعني احنا بنات الخبر مو متعودين عليه
لان بنات الدمام عرابجه ونصهم مسترجلين
لدرجة ان اختي الهبله شافت وحدة تلعب معانا وجات تصارخ الحقي ولد يلعب معانا
المهم كانو البنات يسوون حركة انا مدري تخرعت منها
وهي انهم يلزقون بالجدار ويجون ركض و يتحطون العجله الدائرية ويتسدحون عليها ويتزلجون
انا سالفة الركض ما دخلت مزاجي بس قلت بجربها وياريتني ما قلت
طبعا سويتها والحمدلله طحت على وجهي و وصلت لاخر الثلج وانا على وجهي :)
طلعت من هناك متكسره يالله لك الحمد
المهم وطلعنا على الملاهي << ما تفوت رغباتها البنت هذه
وفي لعبه اسمها الكوبرا اذا جيتو انصحكم تلعبونها
انا من زماااان ما ركبتها من ثاني ثانوي يعني خمس سنين
بس رحت مسويه نفسي شجاعة وقلت ابد ما يجلس عندي احد انا بجلس لحالي
و اقول لقريباتي لا تصارخون وتفشلونا
و اول من صارخ انا :D
بس بعدين جلست اضحك لان اختي قدامي اشوف خشتها و لو تشوفون عيونها تموتون ضحك
الحمدلله والشكر عيونها لوزيه مرة وحدة صارت دائرة و طالعة من مكانها من الخرعة :)
طبعا وقفت اللعبة انا من الخرعة ابي انزل رجلي امشي مني قادرة احس رجلي تسوي تك تك تك << يعني ترتجف
لا والمصيبة ان الملاهي كله اولاد يعني انواع تفطيس الضحك علينا :)
ابد وبعدها قلت ما اجلس و لا دقيقة انا سويت اللي في راسي
ونجي لليل رجعنا البيت وامس ما شاء الله المطر عندنا ما وقف << و لا يبوني امرض
و كلهم ناموو الا انا ما عندي وقت اجازة الا اربعاء وخميس مستحيل انام
والحبايب كانو موجودين يعني تبطون عظم ما نمت
المهم شوي الا اسمع
ااااااععععععععععععععع
صراخ و كلمه الحقوووووني
انا بس قلت احد مات
شوي الا ماما بابا الحقووووووونييييييي
<< هذه متجمده مكانها
وشوي الا تسب وتصارخ
قلت بس حرامي
و الله بسلامتها اهم شي انا لو يبي يسوي فيها اللي يبي اهم شي انا ما يقرب لي <<< شوف الانانيه
بعدين الخوف على اختي حرك مشاعر داخلي وقلت ابد ذابحته ذابحته
واسوي روبن هود واخذ السكينه و امشي على اطراف اصابعي علشان ما يحس فييني
و افتح الباب مرة وحدة والا الاخت نايمه جالسة تحلم :D
<< هذه حقدت وانسدت نفسها و قفلت الماسنجر و النت وطلعت
هذا امس
اليوم الله لا يوفق عدو اختي
جا اخوي الصغير مسوي يلعب معاي ويقول يايه ويضرب
يايه = دلع ناديه يا قلبي على اخوي يدلعني
المهم اخذته وسدحته وجلست ابوس فيه
الا اختي تقول ناديه ناديه الحقي
يمه وش هذا
لا تتحركين
لا
لا
قومي
وتركض وتخليني
انا ابي اقوم مني قادرة خايفة يكون فوق ظهري شي
و تجي تقول قومي بسرعة يمممممه
وانا اقوم وانا اصارخ واااااااااااااااااااااااا اااااااا
و يوم شفت الللي فوق ظهري
كان ودي اصفقها الين بكرة
نمله الله يرجها
هو صحيح انا اخاف من النمل
بس هي خوفتني زيادة
مو خوفتني الا خلتني اموت رعب
<< هذه نتيجة الرعب والارهاب اللي تصممينه :)
سوسي
رد مع اقتباس
[/align]
لاتكلميني
