[poet font="Simplified Arabic,4,black,normal,normal" bkcolor="white" bkimage="" border="groove,4,gray" type=0 line=200% align=center use=ex length=0 char="" num="0,black" filter=""]
السلام عليكم
صباح الخير
اخواني المشرفين و الاعظاء والقراء الكرام
جديدي على هالصباح
وهي نصيحه لكل وردة
وعسى الله يكتب لها قبوول
وتوصل
[/poet]
[poet font="Simplified Arabic,4,black,normal,normal" bkcolor="white" bkimage="" border="groove,4,gray" type=2 line=200% align=center use=ex length=0 char="" num="0,black" filter=""]
على حد الغرام اللي .. حفر بين الظلوع قبور=خذتني قصة الورده .. بعد ما جفّ ساقيها
شكتلي .. عن شحيح الحظ والما وانحجاب النور=وكيف اللي زرعها من ثلاث شهور .. مضميها
وقالت ليت .. (زراعي) .. يجي مثلك رقيق شعور=الا ليته مثل ماتعطي الازهار يعطيها
ولكن حظي العاثر ونفسٍ ماتطيع الشور= هبوبٍ ماعطتني غير من عاتي سوافيها
وقامت تنثر الهم الكبير وذكريات الجور=تردد ليه بعض الناس ماتوفي مباديها
عطتني سرها وانصت للقصه وانا مبهور= وعشت بهمها اللي داخل الخفاق يكويها
وقلت آقف .. واهديها بعد ما فلت المستور=على نيّة نقا من داخلي قررت اهديها
الا يا وردة البستان واجد يعشقون البَور = كثير اللي بعد مايقطف الازهار يرميها
الا ياكثر ما ماتن على ذاك الطريق زهور=عِبر لاكن؟..قليل اللي تنبّه واعتبر فيها
تعيش الورده بعرقٍ .. يغذيها نقى وطهور = ولاكن بعد ما تقطف .. تموت ولا يغذيها
ترى الغلطه .. ِتموّت لو تجي من مشرط الدكتور=واذا ماتت عروق الورد مابه شي يحييها
نصيحه من ضميرٍ مايحب العيب والمحظور=نصيحه تشمل المَعنِي .. وسامعها .. وقاريها
وسلامتكم
[/poet]
رد مع اقتباس
