بسم الله والصلاه والسلام على افضل خلق الله
اعزائي قصيده قديمه اقدمها لكم للتواصل فقط ..
للقصيده مناسبه :
رحت الى مدينة الرياض قبل فتره وكانت اول مره ادخل فيها الرياض واللي ماهو من الرياض واول مره يروح له يفهم مااعنيه بهذه المقدمه ..
عموما الدخول الله يسره ويوم جيت ابي اطلع للحفر تغربلت سئلت يمكن نصف اللي يسيرون في الشوارع عن طريق المجمعه من ضمن ماسألت هندي سواق عائله وكان معاه الله يستر على بنات الحلال .
وكانت هي مناسبة القصيده ....
اترككم مع القصيده :
صديق ممكن
[poem=font="Simplified Arabic,5,indigo,bold,normal" bkcolor="transparent" bkimage="" border="double,4,darkblue" type=2 line=0 align=center use=ex num="0,black"]
صديق ممكن لو تكرم دقيقه =ممكن سؤال؟ وقال ممكن تكلم
قلت الحفر من وين بالله طريقه =تراني بخطوط الرياض اتعلم
بدا يوصف مير يبست ريقه = اقول بالله عيد لي ويتظلم
مالي سوى تكرار وصفه طريقه = لاجل يتأخر لا استدليت سلم
وانا حقيقة مبتغاي الحقيقه = طارت عيوني بالقميص المقلم
مااظهر بتأخيري لهنديه ضيقه = كن سهمي باقصى محانيه علم
اضحت محابيس المشاعر طليقه= ماتحتويها لعبة الطش واللم
ماشفت منه الا الكفوف الرقيقه= وصبح الجبين وفوقه الليل ظلم
ماامداني الا اقول مع كل ويقه = الله على المبعوث صلى وسلم
رمت لي سلوك الغرام الدقيقه = واعطيتها لمواصل الود سلم
حتى تبادلنا العهود الوثيقه = وحنا للحظات الوداع نتولم
ماللهوى لا جد عايق يعيقه = تحكي النواظر لو الالسن تبلم
قلوبنا بسلم المحبه وسيقه = لو نبتسم مير الصحيح نتألم
راحو وروحي في بحرهم غريقه = عزاي أأمل باللقا واتحلم [/poem]
وسلااااااااااااااامتكم