[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من وين اببدا لك حكاية شاعر ٍ كل الضروف=حطت امامه كل ما يمكن ولكن مايطيع
كن القدر له في حياته بين لا يمكن وخوف=لكنه اثبت انه اقوى من ضروفه والجميع
كان يتسلل في ليال البرد يجمع للحروف=وكان يتسلق له جبل شعر ٍ على غيره رفيع
الله منح له عين في ليل الشعر تقدر تشوف=ويمشي بليا بوصله لكنه ابدا ً ما يضيع
مافيه بيت ٍ مر في ليل الشعر يقدر يطوف=ومابه قصيده لو بغت تخدع لعينه تستطيع
يمكن ماهو في ساحة الشعار بالحيل معروف=لكن ماهي همه لذلك مرها مر ٍ سريع
الوقفه اللي ماتجمل شاعر ٍ بين الصفوف=مالي بها خليتها للي يبي ياكل ضريع
قالوا مكان ما يظلل لا تطيل به الوقوف=وقالوا اخير من المدينه خيمة ٍ في وسط ريع
الشعر له زهر يفوح وبالمقابل له سيوف=وفصوله اثنين ٍ فقط اما خريف ٍ او ربيع
منيب ادور فالشعر عن ما تدور هالضعوف=انا الشعر فيني يدور عن مدى آخر وسيع
مااكتب قصيده فالغزل الا اذا كانت لنوف=وما امدح احد الا اذا في كل موقف له صنيع
وايلا هجيت لواحد ٍ شمسه يلازمها الكسوف=على كذا صار الشعر عندي كما الحمل الوديع
اقلبه من حيث اشاء وارقصه على الدفوف=قد كنت اطيعه سابقا ً لكنه اصبح لي مطيع
انثر اريجه فالفضا او اركنه فوق الرفوف=وكانه نوى يوم اللكاعه يبشر بشاعر لكيع
لما درا اني ما ادور فيه تصفيق الكفوف=والا اشاره عابره من فلسفة ذاك المذيع
صار الرفيق اللي وفي ٍ كيف ماجات الضروف=واصبح خوي ٍ ما اشتري في خوته والا ابيع
مدري انا في هالقصيده شاعر ٍ او فيلسوف=بس ماتهم التسميه كان الملك طفل ٍ رضيع [/poem]
رد مع اقتباس
-new.gif)
المشاركة الأصلية كتبت بواسطة مهدي بن مسفر بن عليان
