السلام عليكم ورحمة الله وبركاته
حبيت اغير استايل الموضوعات بسوالف شيبان

لاعب الاهلي مثل الموظف الحكومي

الموظف اذا اخذ اجازته وعاد للعمل اول يوم يخليه سلام وزيارات المكاتب
ولقاء الاحبه والاسبوع الاول يعلق الشماغ ويحكي سوالف سفرياته
الانجاز بعد الفطور والشاي والجريدة يمشي له ورقة والا ثنتين يسكت مديرالقسم
والا الرجال ماله نفس بالعمل جاي ياخذ الراتب ويسكت هالمدير النشبة
المهم عنده يجي ويروح ولاينحسم عليه ريال تزوج بالصيفية وصار يجيب المدام
والا ابوه اللي مات من عشرين سنه يوديه للمستشفى الدوام 9 والخروج 12
يقول احرق اعصابي وتاليتها الشكر لسعادة المدير والوكلاء والا الموظف الواصل
ولولا الخوف والحسميه ماطب هالادارة بالمرة لامكان لديه لا للابداع
ولا الخيال ولا التطوير ولا مراجعة النفس حاله قبل الاجازة وبعدها مثل بعض

لاعب الاهلي يبداء معسكره بالتعرف بالمحترفين ويبين لهم خفة دمه ويترزز عليهم
ثم يستعرض باخر صرعات القصات واذا بداء التمرين تحس ان كرشه
شخص وهو شخص ثاني وينصدم المدرب هذا فريق قدم والا نادي لياقه!!؟
مايدري ان الاجازة كلها كبسات وفلات وسفريات ولاطق الكورة من اخر
مباراة ولافكر لو لحظة كيف يحافظ على لياقته هذا حال غالب موظفين الاهلي

يبداء اللعب بالكورة يجد ان الكثير منهم لايملك اساسيات الكره
ويقول في نفسه انا وش الله بلاني بهااللاعبين ياخذ مدير الفريق على
جنب ياولد فيه كم لاعب كويس ممكن يجي منهم والبقية يحتاجون لسنة اعداد

الاداري يقول يارجال لاتكبرها ترى كل الفرق مثل الاهلي واذا بداء الدوري
تشوف اللي عمرك ماشفته ولاحتى خطر على بالك

يبداء معهم اللعب والتقسيمه يوجه كيف تكون الاوفرات و و ومن الزيرو

يبداء اول مباراة وديه كل الذي علمه لهم حطوه بالبنش عنده ولعبوا وفق
ماتعلموه في دوري الحواري حركات وكباري واستعراض واللازم منه المهم اللوك

المدرب يقول ياوالله البلشة يغير ثم يغير لمن يتغير لون وجهه كلهم زي بعضهم
40 لاعب مافيهم الا خمسة او ستة طيب وش الحل!!!؟

يارئيس وين المحترفين يقول خلاص قربنا نحسمها واخر يومين يعتذر النجم الزين
ويقبل عرضنا ابو ريالين وننفخه فوق فوق نجم عالمي يكمل الرصة محترف على الزيرو

يبداء الدوري بعد حرص الادارة وتشجيعها وبعد تهديد المدرب والوعيد
ينزل الشباب مالهم نفس مثل خوينا الموظف الحكومي ودهم يسكتون الاصلع
والرئيس المهم يبقون اساسيين يؤدون مثل اداء خوينا كل واحد يرمي
الكورة للثاني وتونا باول مباراة ماحصل الانسجام واللياقة يادوبك
ابو نص ساعة المهم خرجنااما فوز بدون طعم ولون للفريق
والا تعادل بطعم الخسارة مع فريق صاعد يطلع علينا نهاية
اللقاء كم لاعب والعذر حافظينه 30 سنه تلقين

مدرب جديد تشكيل ومحترفين ما اكتملوا وفلان توه وصل قبل اسبوع
تعرفون بقية الاعذار كلاكيت 30 سنه

يجتمع بهم الاداري والرئيس ويعطونهم وعود لمن يسكتون يطالعون ببعض
ايه هذول نجوم مو اي كلام راح يبدعون بقية الموسم اصبروا بس عليهم
وبعد 7 او 8 جولات الاهلي ماش مايطمن يرعب جمهوره ولايرعب خصومه
الجمهور وقف عن التفائل وبداء يسمعهم من الرخيص
يزيد الضغط وتطير النقاط والفريق ماحولك احد مباراة فوق واخرى بالحظيظ
وكله من التحكيم شماعتنا الكبيرةالجميلةوالمفض لة دائما

طارت الطيور بارزاقها تغير الطموح المهم نحصل على مركز عشان اسيا ونعوضكم
في البطولات الجايه يمكن ناخذ كاس نيدو يمكن كاس ثاني المهم
نفرح لنا كم يوم وعفى الله عما سلف



هذا السيناريو يتكرر كل عام من سنين وعقود
فهل يكون هذا الموسم تكرار والا موسم انطلاقه
لا اخفيكم خوفي ولكن عادتي التفاؤل ونقول يارب
في موسم استثنائي مع الوجوه الجديده عمر والمقهوي
وبقية القادمين بروح وعزيمة لاثبات قدراتهم