[align=center]مساء الخير
حبيت اغير شوي
هنا
طبعاً لو جاء أي تمساح
وسأل سحلية
وقال لها
كيف شكلك؟!
بتكون اجابتها كذا
والله يقولون
أنا حلوة أو أنا جميلة أوأنا مملوحة
شينات طبعاً مافيه أبد :هاها:
لكن من هي الجميلة؟ وأين يكمن الجمال
ومن هي المملوحة؟ وأين تكمن الملاحة
ومن هي الحلوة ؟ وأين تكمن الحلاوة؟
وليه ماتجتمع هالاشياء في بنت
وهل البعض يدرك الفرق؟
أترككم مع القصيدة البسيطة عموما وأتمنى أن تنال الأعجاب[/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لو جابوا أنعم ناعمة وسط هالكون = تصير عندك يالغلا عربجية
ولو اجمعوا في هالبشر كل مزيون = صاروا شيون ومالهم قابليّة
مافيه مثلك زين لاشكل لا لون = جمالك اللي شفت مافيه زيه
حتى عليك عيون مامثلها عيون = فيها حلا طاغي على جاذبية
من نظرتك من ينظرك راح بالعون = سلهامتك تورد لحوض المنية
والا الخدود وسلة السيف يزهون = ودي بهن لكنّ ماليّ نيّة
اببتعد لو كنت بالشوق مسكون = من خوف خدك يجرحنه يديّه
فيك اجتمع شيّين وان قيل وشلون = ملحاً وسكر بالشفاة الندية
الملح في مبسمك مع درّ مكنون = ومن ريقك السكر زيادة شوية
غير الجديل المنسدل فوق المتون = كنه ظلام الليل والوجة ضيّه
والا القوام اللي انا فيه مفتون = متناسقاً من فضل رب البرية
اليا مشيتي مشيتك حييييل بالهون = كنك كما المهرة بأرضٍ خلية
مابه مكان الا ويتبعك بشجون= ويقول لك تكفين أمشي عليّه
حتى الورود اقبال عينك يمرون = لك يكشخن هذي وهذي وذيّه
مير اقطفيهم هم ترى بس يدعون = ياكمّ وردة شافتك مزهريّة
من غير صوتك لاعزف ليّه الحون = لك أبجدية غييير هالأبجدية
الفاً وحاء وباء مع كاف بجنون = اليا حكيتيها وش يصير فيّه
ماظن احد بيلومني ويش بيكون = وانا هوايه بنت نجد العذية
كل البني يبطووون وان قلت يبطون = ماوصّلوا لو ربع هاك البنيّة
بريئةٍ واتتابع افلام كرتون = طفلة حنونة ..حالمة ..شاعرية
فيها ثقة واغرور لكن يليقون = مع كبرياء وعندها نرجسية
امدللة واتموت بي حييل وتمون = الله يخليها على طول ليّه[/poem]
[align=center]
تحياتي للجميع
فايز الحربي[/align]