الاهدا لها مع التحيه
[poem=font=",6,darkblue,bold,normal" bkcolor="transparent" bkimage="" border="solid,4,indigo" type=1 line=1 align=center use=ex num="0,black""]
لبيه ياهاجس قصيدي مسا الخير=اقلط تفضل حان وقت الضروره
خابرك تخضع لك هجوس الشواعير=بك غطرسة راس الجنازه وجوره
ان رقت وان مارقت مابه معاذير=الدم له وسط الشرايين فوره
تعال ابيك تصور القاف تصوير=لعيون من غار القمر من غروره
دمار شامل لوعرف فتكه بلير=يستخدم الفيتو ويرسل صقوره
ويدك حائل جو من غير تحذير=بمقاتلاتن بالحروب مخبوره
حوريتن سوة قلق للغنادير=تكتب شعر وانا دمرني شعوره
تاصف غلاها باليمامه على جبير=وانا مثل قيس الملوح بدوره
بالعشق جاوزنا حدود المعايير=خارج نطاق الجاذبيه جسوره
نقصر على شانه بعيد المشاوير=لودونه النهرين يسهل عبوره
لاسلهمت تاخذ من البنج تخدير=ولياحكت تكسي النسايم بخوره
ضحكه وهمساته وصوته معي غير=والناعسات السود مصدر خطوره
ماقول مالغرورها اي تبرير=اقول تحدث داخل الحفل ثوره
تلعب بوجهات النظر دون تاثير=تلفت نظر كل الحضور لحضوره
كنه تطور ذوق الانسان تطوير=وليابكت صبري كسر باب طوره
تعكس مع افكاري هوى خطة السير=فوق العناد الحاد جدا غيوره
كل مااغيب اشوي تطلب تقارير=والبي المطلب لخاطر سروره
اسكب له اشعاري موده وتقدير=واظمأ قصيده لوسقتني بحوره
[/poem]