[align=center]مساء الخير .. وكل عام وانت بخير على العموم .. أعتذر لأنقطاعي ..
وأتقدم لكم بهلكلمات .. وأسأل الله لها القبول[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أستحاله عالم ( 2000 ) أربعه يفهم وصات=مثل ما هو مستحيل إن العرب تجمع بقول
وأستحاله نعرف أمجاد السيوف المرهفات=غير في قصة روائي من رويات(ن) تطول
(فاصله) (نقطه) (مسافه) (داش) و (أربع فاصلات) = فاصل إعلاني تجاري وأبتداء عرض الفصول
الله الله يا عروبه الله الله يا الشتات=كيف نجمع شور واحد عقب خالفنا الرسول
الديانه حن شعوب(ن) واعظين وواعظات=والإجازة بس.. مسموح(ن) بها شرب الكحول
الصلاة إن ما نهت منكر وش أسباب الصلات؟! =أصنج(ن) يسمع موسيقا.. ويعتري وجهه ذهول
القضاء مسرح جرايم خاضع(ن) للواسطات=ما يصير الشيخ (منصب) نطلبه لجل المثول
والصحافة فنّ دهن السير لأهل المغريات=راحت أقلام الصحافه وأنمحت كل الحقول
سوبر أستار الحصيله والثمر مابه نوات=( بنت ليل ) و( ذاك ضايع ).. تسأله ويقول cool
النساء ضد التحجب.. وش حصل يا لأمهات ؟=جنز ضيق والفنيله ( cut ) يا صغر العقول
ما نقول الكل .. لكن ذاك دؤب السافرات=عرض أجساد الصبايا اول أسباب الوصول
صار عالمنا يخوف نسأل الله الثبات=كل ما وجه تلقى شرذمت ناس(ن) هبول
العرب في كل شاشه ( فُجر ) ( فَجّر ) ( فاجرات ) =لليهود وللنصارا جند وأتباع وذيول
لو عرف دينه وفكر ما أستباح محرمات=كان ما يرضى خطيه.. ( ناس ضاعت بالرجول )
في فلسطين الأبيه ( طايره ) ( طفل ) و ( حصات ) =وفي قصور العُرب تلقى المغاني والطبول
عولمه مال وسياسه وأقمع الشعب بعصات=وإن زعلنا وإن شكينا هرجنا ماله قبول
الجيوش العالميه بالسلاح مجهزات=والعرب تشجب وتستنكر وتبحث عن حلول
والقصور النايفه تأوي جمال الغانيات=فارغه من طهرها والفجر داخلها يصول
ما نبي تحرير مرأة.. يالعقول الغافلات=حررو قدس العروبه وأقطعو راس العذول
يا عرب رَاحَو ( لدجله ).. وإلحَقُوها بالفرات=ليمتا حنا أنتناسا ( قدسنا ).. كم حال حول؟[/poem]
[align=center]وسلامتكم [/align]