السلام عليكم ورحمة الله وبركاته
مساء / صباح .الـخـــيــر الجميع
يا حماعة الخير عندى بعض الاستفسارات البسيطه .
انا عندى مدير اقشر ورخمه فى نفس الوقت حصلى معه مشادة فى بعض الامو الا وهي .
اولا . انا جايه منقول من مدينه ثانيه وباقيلى فى الاطراري 3 ايام من العام وقلت ياولد اجلدها قبل ما تخلص السنه وتتصفر ونبدا خمسه جديده المهم بديت اغيب بين الفينه والاخرى وكان كل مره يعطينى مسائله فى المره الاولى عطانى المسائله وجابلي ورقة الاطراري ومسجل فيها الحسم من الخمسه الايام الاطراري لعام1434 قلت ليش سلامات انا باقي عندى ثلاثه ايام من العام ولسى السنه الماليه ما انتهت قال وش يدرينى ان باقي عندك ثلاثه ايام قلت مسجله فى ورقة اخلا الطرف وجبتله صوره من اخلا الطرف طبعا هو داج ما عنده صور من اخلا طرف المعلمين الجدد وعدلى الاطرارى هذا فى المره الاوله اما باقي الايام ما وقعنى على الاطراري كان بس يعطينى ورقت مسائلة غياب . هذا رقم واحد
ثانيا . فى يوم كنت مريض وغبت وراجعة الطبيب وعطانى اجازه مرضيه وجيت عنده للمدرسه وطلبت منه تحويل للمستوصف قال ما فيه تحويل وما نعطي تحويل لاحد مره الا اذا كان منوم فى المستشفى غير كذا ما نعطى تحويل لاحد وكان الوكيل جالس عنده وقال خلاص اترك الموضوع على ومشيت وجابلى الوكيل التحويل وجبتله العذر من المستوصف . واليوم تكرر نفس الموقف امس غبت ورجعة المستشفى لوجود حصوه فى الكلا وهذا موثق فى اشعه اجراها لى الطبيب فى المستشفى وعطانى اجازه وقال جيب تحويل المهم
رحت للمدرسه عطانى مسائله وقلت ابي تحويل . ودار بينى وبينه هذا الحوار
قال . ما نعطي تحويل
قلت انا الى على سويت طلبت منك تحويل ورفضت وانا مراجع المستشفى والدكتور مسجلى بالملف اجازه .
قال . لا بعد ترى مخصوم عليك ثلاثه ايام
قلت . سلامات متى هذا حصل
قال . الايام الماضيه
قلت . هذيك احسبها من الاطراري
قال . لا الاطراري ما نعطيه الا معلم يخبرنا بيوم قبل الغياب او يكتب لنا معروض انه بيغيب )) سلامات مقدمين على بنك التسليف
قلت . والله انا ما اعلم الغيب ان بكره بمرض والا بيجينى ظرف عشان اكتبلك معروض وبكيفك الى تبي تسويه سوه وخرجت من عنده وانا مخنفر خخخخخع
الحين سؤالى بعد هذا القصه المحزنه
هل من حقه انه يحسبها حسم مع وجود ايام الطراريه حتى ولو لم ابلغه بغيابي مسبقا
وهل من حقه عدم اعطائى تحويل للمستشفي )) يعنى هذا انظمة الوزاره والا جابها لى من تحت الطاقيه .
لانى لو فعلا حسم ماراح اتركه لو نصل فيها للوزير
اتمنى تفيدونى من لديه علم ولكم خالص شكرى وتقديري