[align=center]يسعد مساكم بالخير والمسرات
قديمة ومتواضعه..... كما هي بدون تعديل...
اتمنى ان تنال حظا من اعجابكم
ونقدكم الهادف[/align]
[poem=font="Times New Roman,5,purple,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
جـرح ٍ يداويـه العـتـب والمـلامـا=وجرح ٍ يجـدد ماجعـه لـوم وعتـاب
وجـرح ٍ يطيـب بنظـرة(ن) وابتسامـا=وجرح ٍ دما من نظرة وضحكـة النـاب
وجـرح ٍ مـع الأيـام يبـرى تمـامـا=وجرح ٍ يزيد امعَ الزمن حـرّ وإلهـاب
وجــرح ٍ يعلمـنـا دروس ٍ جسـامـا=وجـرح ٍ ينسينـا مفاهيـم الاعــراب
********
وجرح ٍ خطير .. وجرح سطحي الإيلاما=وجرح ٍ بلا سبّه .. وجرح ٍ له أسبـاب
وجرح ٍ قديـم (ن) حـط فينـي علامـا=جرح الجفا ... ومفارق عيون الأحبـاب
وجرح الوداد اللـي نشـا مـن غرامـا=متوافق (ن) نزفه مـعَ نـزف الأهـداب
لا لاح طيفـه فـي عيونـي .. وحامـا=يسرق تباشير الفـرح بيـن الأصحـاب
********
هـذي جـروح ٍ تنتهـي فـي سـلامـا=نسيانها .. نعمه .. ومصابها .. حجـاب
واهنـا جـروح مصابـهـا للـدوامـا=الله يجنبـنـا مثـيـرات الإرهـــاب
جـرح العفـاف ومـسّ حـد الكرامـا=مصايـب(ن) تربـك حكيميـن الألبـاب
واختامهـا جـروح ٍ حـرام بحـرامـا=قطع الرّحم ... ومخالـف آداب الكتـاب
********[/poem]