جاني خبر من حينها أصبحت مقهور
أحزن قلوب الناس يوم جاء بحينه
عكس الحقيقه قلت انا وقتها زور
وأهل الخيانه بحقدهم كاتبينه
يقولون أسدنا مات بالغدر مدحور
غدر به العدوان وأهل الضغينه
ليث العروبه مات في وسط جمهور
مات الاسد مقتول داخل عرينه
الليث بعد العز بالذل مدحور
خانوه في حرب الخليج اللعينه
صدام راح وبعده الد ائره تدور
من هو بعد صدام يصبح رهينه
خاض الحروب بماضي الوقت منصور
والموت ساقه للعدو من يدينه
حارب وحيد ولاشكى ذل وقصور
والحرب طالت والعرب بايعينه
ثم خانه الأنجاس في وقت معسور
والكل في بغداد حاله مهينه
بغداد من بعد الحضارات مهجور
والعار بالتاريخ بصمة يمينه
القلب يحزن والعدو بات مسرور
زال الذي يخشوه باول سنينه
عزوني بموت الأسد ضاقت صدور
أقفى بطلنا وكلنا فاقدينه
وأجبن دواب الأرض والوجهه مستور
قاموا بتنفيذ الحكم شانقينه
\
\
\
سعيد الزهراني
رد مع اقتباس
المشاركة الأصلية كتبت بواسطة محمد الروقي
