[poem=font="Simplified Arabic,6,orange,normal,normal" bkcolor="darkblue" bkimage="" border="none,4,gray" type=1 line=0 align=center use=ex num="0,black"]
خلوني ابرد غليلي واقضب كفوفه = واحط صدري على راسه واغني له
وان زادني من حنانه شفت معروفه= نثرت دمعي على كفه ومنديله
الله كتبها علي وزانت ظروفه = يوم انها جت على كيفي مخاييله
ماصدقت عيني اني لحظه اشوفه = تروح هذي ولا ادري عن مقابيله
خلوني اشرب قراح الماء ولا اطوفه= واسج رجلي وادوّج في مداهيله
اخاف بعدين تلحق نفسي حسوفه = اليوم عندي وبكره كيف انادي له
ماهيب نفسي على السجات مكلوفه = ابشرب الكيف من صافي فناجيله
يالوف قلبي على مسراه يالوفه = من هاجس ٍ كل ماجاء الليل يسري له
همسة غلا من صميم القلب مقطوفه = من وين ماراح طيف الزين تومي له
بنات فكري على الجولات معسوفه = مارحت أدور على مركاضها حيله
كتبت له من ثمين الشعر معزوفه = انظم قلايد حروفي ورد واهدي له
ياليل شوقي رسم في وجهك طيوفه = مايفهم الشوق غير اللي يوالي له
يانار الاشواق زيدي واحرقي جوفه = خليه يفهم وش اللي كنت مخفي له
اشوف لكن يدين الوصل مكتوفه = حبل الرجاء ماتوديني مراسيله
ماشفت مثله ولا شاقتني وصوفه = كل الاوادم بعيني ماتحالي له
أدعج غنج ضامر ٍ بطنه وسرجوفه = والخد براق يلمع من ورا الشيله
واليا مشى هز الارض بهزة ردوفه = هدف هلالي بمرمى النصر تسجيله
الله يكافيه شر الوقت وصدوفه = لو كان مالي سوى همه وتنكيله
بيني وبينه خلايا الكبد منصوفه = بين المعاليق له وصله وتحويله
شريان قلبي يضخ الدم بحروفه = خلاص شطّب على دمي وتحليله [/poem]
وسلاااااااااااااااااااااا اااااااااااااااااااامتكم ,,,,
رد مع اقتباس
-new.gif)
