[poem=font="Simplified Arabic,5,black,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
حقيقه زماني مامشالي على مااريد =
تركني علي درب الزلق واخلف النيه
مشيت المسافه واكتشفت الدروب تزيد =
جبرت القلوب القاسيه في مساريه
حفظت الدروس وزدت في حفظها ترديد =
سبحت البحور اللي تغرك موانيه
الاياعيوني لوهقيت الدموع تفيد =
لااقول اذرفي حتى يبيّن مجاريه
توارت حلومك ياعيوني ورى التعقيد=
حبيبي رحل والبعد هاذي مواريه
رحل والعلوم اللي تجينا لها تاكيد =
يبلغك خلك لاتحراه بالجيه
رحل في ليالي كنها من ليال العيد=
علي صوت دقات الفرح قلت مرثيه
مشيت وتركته والجدى عبره وتنهيد=
اجمّع حروفٍ ماتفسر معانيه
مشاوير عمري للا سف كلها تنكيد=
تزيد القلوب ذنوب والناس مبليه
يكفّيك ياقلب العنا بهذلات الغيد =
طريق الهوى ياقلب تتعب مماشيه
ترى الناس غيره ناس لاتتبع التحديد =
تغلب علي جرح الزمان وبلاويه
انا ادري زماني ما يبيني علي مااريد =
يعكر حياتي كل ماتصفي شويه[/poem]]