عقب ما شفت برنامج سوبر ستار أكادمي و شفت الخمبقه اللي فيه ... مره حضن .. ومره بوسه على الطاير ... و مره نايم الولد والبنت جمبه على السرير بزعمه تعلمه فرنسي و مره ....... إلخ ... و شوي إلا تصير قناة ............. (و انتم بكرامه) جتني حالة هـ**** <-- ... و قلت لازم اسجل في هالبرنامج و انا اللي اجمع عفشي (صروال الرياضه الأخضر ابو خطين و فنيله علاق و هيلا هوب <-- لزوم الاتيكيت و على اول طياره للبنان ... و اروح لمقر الأكاديمية .. وقلت لهم تراني جاي بأسجل بالطيب بالغصب داخل داخل ... قال لي مدير الأكاديمية ... ولو خيو ولد البنه ... إزا ما شالتك الأرد (الأرض باللبناني) تشيلك عويناتنا (عيوننا باللبناني) .. بس المشكله خيو إنك ولد وسيم و جزاب ... وراح تاكل الجو من الشباب و الصبايا .. و ماراح يكون لك منافس ... و بكذا ما راح يكون للبرنامج لا طعم ولا لون ... قلت عرفت الجواب المويه<-- الرجال اللي هو انا احسب إنه يقول لغز ههههههههههههههههه ... قلت له يعني وشلون ما راح ادخل الأكاديمية ... قال شوف خيو ولد البنه .. احنا راح نعطيك جائزة الأكاديمية بدون ما تدخل .. و يكفينا شرف إنك طلبت تلتحئ (تلتحق) بالأكاديمية ... لعب علي الملعون و انا صدقته <-- ما انلام .. اول مره واحد يجلس يمدح فيني و في جمالي هههههههههههههههههههه ... قلت خلاص اجل بأمشي .. قال ولو خيو .. لازم تتعشى معانا .. هو أليل (قليل) نشوفك ... قلت و الله ما ضنيت إني بجلس .. ابروح ادور لي برنامج ثاني اشترك فيه <-- مصدق عمره هالكمخه هههههههههههههه...
و انا طالع من الأكاديمية ... إلا اسمع واحد يصوت يقول ... يالثور .. يالدبشه .. انا التفت <-- عارف نفسه على طول .. ما فيه إلا هو في العالم كله ثور و دبشه هههههههههههههههه ... أطالع إلا هو عتريس (هذا شيطان واحد من العبيد اخوياي) .. قلت له مين عتريس .. وش جايبك هنا ... قال ابد والله بعيبس (هذا العبد خويي) رايح يحج .. وقلت خلني اروح للبنان .. قال انت وش عندك هنا ... قلت له سالفتي مع الأكاديمية ... قال افا والله .. لعبوا عليك يالكمخه .. قلت وشلون .. قال ياخي انت شين .. و تحوم التسبد .. يعني لو دخلت الأكادمية محد راح يشوف البرنامج .. و بكذا الشركه الراعيه للبرنامج راح تعلن افلاسها .. و كمان قناة الـ إفصخي (قصدي LBC) راح تسكر ... بعدين انت مو جاي هنا عشان البنات و سعة الصدر (و جلس يطالعني عتريس بنظره غريبه و إبتسامه شيطانية) ... قلت تبي الجد هع هع هع ايه ايه ايه <-- ما يبي له شي و يخق هالسبهه هههههههههههههههههههه ... قال وش رايك إللي يدخلك الأكاديمية .. ويخليك تنام في الغرفه اللي فيها البنات ... قلت له تكفى .. داخل على الله ثم عليك .. انك تدخلني .. قال بشرط .. قلت وشو .. قال ما اشوفك تحش في بيعيبس من وراه .. و إذا شفته تفز واقف و تحب خشمه <-- يلعن ابو خير الاستغلال ههههههههه.. قلت بس غالي والطلب رخيص .. قال انت هالحين لازم لك شغل صح عشان نقدر نخلي لجنة الحكم تقبل فيك و تدخلك الأكادمية .. انا بأوديك لجورج عزقا و هو اشهر واحد في لبنان يسوي مكياج و ميك اب للوجه ...
رحنا لجورج و دخنا عليه ... اول ما شافني جورج قال أطلع برى يا وحش ... على طول نط عتريس .. وقال هذا تبعي يا جورج .. قال جورج مين عتريس .. يا هلا و مرحبا بكل الشباب ... شو بدك خيو ... قال بس نبي تشوف لنا الولد الوسيم ولد البنه و تضبطه ... نبي ندخله في ستار أكادمي .. قال والله هيدا بدو جمعه لنخلص منه .. قال عتريس .. اهم شي تضبطه ... قال ولو تكرم عينك عتريس باشا ... انتا تؤمر امر ... و بدوا يشتغلون فيني ... اول شي جابوا استشاريين عشان يحلقون الدق (شالوا دقنه بحصادة الزرع ههههههههههه) .. ثم اخصائيين في نتف الحواجب .. و دكتور عمليات تجميل خاص بالأنف <-- جلسوا ثلاث ايام بلياليهن يشتغلون في خشمه ... قلبوها شوارع منفوحه هههههههههههههههههههههههه .. المهم بعد اسبوع شغل متواصل بدون انقطاع ... جابوا لي المرايه .. و حطوها قدام وجهي .. و انا اطالع .. وهم يطالعون فيني ... و انا جالس اطالع و مدري وش السالفه ... قال لي جورج .. شو رايك خيو عربيد .. قلت رايي في إيش .. قال في اللي أدامك .. قلت التلفزيون <-- الحمار يحسب حاطين قدامه تلفزيون .. ما عرف إنها مرايه وإن الصوره اللي في المرايه هي صورته ... قال جورج يخرب بيتك شو تلفزيون ... انا بأصود المرايه ... قلت وين المرايه .. قال وإللي أدامك شو ... قلت هذي مرايه ... طيب من هي هالبنت اللي بالمرايه .. قال شو بنت .. هيدا انته ... انا شفت صورتي من هنا ... وأغمى علي من هنا ... ما ني مصدق هذا أنا ... والله إني مووووت و اجنن ... بس شكلي مثل البنت ... قال جورج أكيد لازم يكون شكلك مثل البنت ... و إلا كيف بدك تدخل الأكاديمية ....
بديت استعد و البس لبس بنت .. بس يوم لبست التنوره لقيتها صغيره واصلة حدود الركبه .. قلت وش هذا يا جورج .. التنوره صغيره ... قال يخرب بيتك هيدي المودا (هذي الموضه) ... قلت وشلون ما اعرف امشي كذا ... بعدين شف شعر رجلي طالع ... قال ولو نشيله لك ... قلت مهبول انت تشيله .. بعدين لو تشيله راح يبان سواد الركب .. ثم بيقولوا هذي سعوديه مو لبنانية هههههههههههههههههههههههه ... قال بهيدي معاك حئ (حق) .. طيب شو رايك نلبسك هيلا هوب ... قلت آخرت عمري البس هيلا هوب <-- كني اشوفكم مبسوطين على الهيلا هوب ... لبسنا الهيلا هوب .. و حنا في طريقنا للأكاديمية قال لي جورج .. يخرب بيتك .. اخترت لك اسم من شان نسجلك فيه ... قلت لا والله ما اختر شي ... قال شو بدك نسميك ... قلت له وش رايك في حصه أو منيره ... قال شو إتجننت إنتا بدك يؤلوا (يقولوا) عنك متخلف ... لا أنا راح اسميك ريما .. اوكيه ما تنسى إسمك شو .. قلت له رمبا .. قال شوووو رمبا ... يخرب عئلك (عقلك) .. ريما .. إفهم ولو ....
المهم وصلنا للأكاديمية .. و يوم وصلت عند البوابه و انا اللي اطلع قطعة قماش و أعلقها على البوابه و قلت لجورج خلاص بطلت ما بدي ادخل الأكاديمية ... و مشيت و خليته ... تدرون وش كان مكتوب على قطعة القماش ....
لازلنا نعايش الانحطاط الفكري و العقدي المنحل في برامجنا فمن سوبر ستار إلى ع الهوى سوى إلى ستار اكاديمي .. والقادم احلى و يا قلب لا تحزن ...
لازالت العقول العربيه الخاويه تستقبل قاذورات الغرب بصدر رحب .. و الضحيه هم نحن و الأجيال القادمه ... و المستفيد الأكبر من هذا و ذاك هم اليهود
تحياتي
WaldAlBanah
رد مع اقتباس
-new.gif)
