بسم الله الرحمن الرحيم
مثل ما وعدتكم صنيه الدياي الي راح تكلون كل الطاوله وراها
شنو اقول وشنو اعيد اذا تبين شي من ابوكي او ريلك سويها على الغدا وما راح تندمين
هههههههههه اكيد مجربه الطريقه مع الاثنين
احم احم ما ابي امدح شغلي انتو جربو وشوفو
وابي ردود بنات والا
لا حرام ما راح اسوي شي بس اذا عجبتكم ما تنسوني من الدعاء
نبدا الخطوات ولازم تسوي كل المقادير يعني ما يصير تشلين اي شي كل شي يعطي طعم في الخلطه
نجيب ديايه نغسلها زين وبعد ما نغسلها نحط عليها خل وماي لمده نصف ساعه ونتركها على جنب
في النص ساعه نجهز النقيع سر الخلطه والله ما اجوله لاحد بس انتو خواتي
تجيبين صنيه تيفال وكيس ينقفل من فوق متل الي بالصوره
انقر هنا لمشاهدة الصوره بحجمها الطبيعي. الحجم الاصلي لهذه الصوره هو 1024x768 107kb
ونبتدي بالخلطه ومن اهم مكوناتها
انقر هنا لمشاهدة الصوره بحجمها الطبيعي. الحجم الاصلي لهذه الصوره هو 1024x768 116kb
ترا لازم الزبادي كامل الدسم عشان الصوص يصير مظبوط
والمقادير 2علبه روب حوالي 5 ملاعق كبيره كاتشب نصف علبه المسترده وهادا سر من اسرار الطعم الخطير
السر الثاني هني
انقر هنا لمشاهدة الصوره بحجمها الطبيعي. الحجم الاصلي لهذه الصوره هو 1024x768 59kb
عباره عن معلقتين كبار زيت وعصير حبيتين كبار ليمون وملعقه خل كبيره
والسر الثالث الثووووم
8 حبات ثوم مبشورين
انقر هنا لمشاهدة الصوره بحجمها الطبيعي. الحجم الاصلي لهذه الصوره هو 1024x768 92kb
وبعدين نيجي للبهارات الي من غيرها ما يحلا الطعم
ملعقه كبيره ببريكا ملعقه كبيره فلفل اسود ملعقه صغيره فلفل احمر للي يحبون الحار ملعقه كبيره كزبره ناشفه تلاقينها في البهارات ملعقه كبيره زعتر ورق مفروم ملعقه صغيره دارسين وملعقتين كبار بهارات دجاج انا استعمل بهارات مجدي احسن شي ونص ملعقه لومي مطحون
بنات لازم كل هادول البهارات
ونجيب حبه طماطم كبيره نقطعها مكعبات
ونضيف كل شي في الكيس
انقر هنا لمشاهدة الصوره بحجمها الطبيعي. الحجم الاصلي لهذه الصوره هو 1024x768 125kb
ونسكر الكيس ونخلط كل شي مع بعض بالضغط عليه
نكون غسلنا الدجاج مره اخيره وتصفينه من الماي
انتبهو لهذه الخطوه تجيبين سكين صغير وتغرسين الدجاج تسوين فيه فتحات وتاخدين من النقيع ودزيه داخل الفتحات وحبات الطماطم دزيه بالفتحات وحطي كل الكميه بالداخل وسكري الكيس زين وقلبيهم شوي بالداخل وحطيها بالثلاجه 12 ساعه
انا اسويها من بليل قبل لا انام والصبح بس احطها بالفرن تنفع وايد حق الموظفات
انقر هنا لمشاهدة الصوره بحجمها الطبيعي. الحجم الاصلي لهذه الصوره هو 1024x768 108kb
الحين صحيتي من نومك فضي كل الخليط في الصنيه
انقر هنا لمشاهدة الصوره بحجمها الطبيعي. الحجم الاصلي لهذه الصوره هو 820x615 79kb
ترا بنات ريحتها نفاذه راح يشمها الجيران مالي دخل
انا زوجي بعد اول ربع ساعه بالفرن يجولي متى ناكل
انقر هنا لمشاهدة الصوره بحجمها الطبيعي. الحجم الاصلي لهذه الصوره هو 820x615 68kb
ندخلها الفرن ونغطيها بورق قصدير
لمده ساعه ونص
بعد ساعه ونص تشيلين القصدير عشان تتسبك والياي ياخد لون بدون ما تشغلي الشوايه ولا شي هي راح تتحمر
انقر هنا لمشاهدة الصوره بحجمها الطبيعي. الحجم الاصلي لهذه الصوره هو 820x615 96kb
لمده نصف ساعه تطفين عليها وبتكون مثل الصوره
بنات هادا الصوص عذاااب مع العيش او الخبز الايراني السخن وااااااااااااااااي والله ما ينشبع منها والدياي يتفسخ لحاله والعظم لحاله من طراوه اللحم واذا كنت مستعجله نقعيها سعتين
واذا تبين تسوي اكتر من ديايه زيدي كميه كل شي للدبل بنات والله تعبت من الصور والكتابه ما تقصرون علي بالردود ولي تسويها تقول وش رايها
امانه بنات ما احلل نقل الصور غير لمنتدى كويييييييييتييييييييات وبس
انتظروا اشياء يديده
بس هنوني بالردود