حتى لو غبت وطولت الغياب فلابد من يوم الرجوع واستاقني الحنين اليكم اتمنى ان تكونوا بخير كما تركتكم واعذروني على طول الغياب واتمنى ان تروق هذه الابيات لشامخ ذائقتكم وسمو مقامكم
اخوكم : محمد الغامدي
هواجيس الظلام000!
[poem=font="Simplified Arabic,4,black,bold,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black""]
يمه ترى هاالليل طال الشمس عيت لا تبين =وانا تعبت امن السهر عيت عيوني لا تنام
جيت المدينة ما لقيت اهل المدينة نازحين=مدري اضن اهل المدن ضيق شوارعها الزحام
كل الشوارع خاليه والناس يمكن نايمين=حتى الكباري موحشة مافوقها كود الحمام
حتى البحر يمه غريب اسمع وراء موجه ونين=يمكن صدى صوتي انا والا هواجيس الظلام
يمه ترى هذاالزمن ان ما قسى لا مايلين=لا تزعلين ان كان انا مريت مارد السلام
لدي على هاك الشعيب اللي ورانا خطوتين=يا كم سنة هو ينتظر عيا يساقيه الغمام
ولدي على هاك الركاب النازلين الراحلين=شوفي علامات التعب بوجيهم من كم عام
اليا متى وانااسألك تعبت انا ما تسئلين=الى متى وانا انتظر اسمع بعد صمتك كلام
والله مادري وش وراء ذاك الجبل والحرتين=يمكن بداية عاصفة من يمسك اطناب الخيام
الله يكافي شرها ماعاد يمدي ركعتين=كل الجهات الاربعه اشوفها عج وعسام
والله يجنب هالجبال الشامخة صلف السنين=عن ذاريات الريح لا تجعل عواليها حطام
ان هب ذعذاع الهواء يهتز عود الياسمين=وان كان ماهب الهواء ماينكر الليل الظلام
[/poem]