بسم الله الرحمن الرحيم
/
/
لأنه شديد بياض القلب
وأطيب من الطيب نفسه
سيطيب للجميع البقاء هنا
والأقامة طويلاً في هذا المتصفح
لأنه يحمل
قلب
واسم
وفكر
رجل كبير بأخلاقه وراقي بتعامله
شاعر الليلة
هو
ܓܨܓبدر ناصر المورقي ܓܨܓ
عرف بنفسه بهذه الأبيات ,,الأرداة القوية والعزيمة الجادة
تحقق جميع الآمال والأحلام ,,,
[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="groove,6,crimson" type=1 line=0 align=center use=sp num="0,black"]
مافي حياتي شىٍ اسمه مستحيل = وفيني شغف ممشى الدروب الموعره
ماكلّت اقدامي من الدرب الطويل= مادام بالدرب المعزه موفره
اتعب لرزقي سعي لو طاب المقيل= وان طاب فالي انطحه ما انطره
ونفسي ترفّع دوم عن قالٍ وقيل= ومن عادتي لا شفت عذروب استره
ولاني بنمامٍ وذمامٍ يعيل= وعلى خصال الطيب نفسي مجبره
يوم الردي يجمع خزاياه بشليل= خذيت انا من منقع الطيب اكثره
افرح لاشفت البسمه بوجه العليل= واضيق من عيشة يتيم بمحقره
وخوفي من الزلات في حق الاصيل=خوف البخيل ان جاه طاري مقبره
ولومقصدي دونه تهاويلٍ وويل= قدت العزايم غصب ولزوم اعبره
احب اوصِّل علمٍ بحكيٍ قليل= ومالى لزوم بعلم زايد ثرثره
ولي قلب ما يجزع من الحمل الثقيل= يسند على متونٍ تِعَشْق المقدره
[/poem]
له في الفخر ابيات تحمل قوة وشموخاً ...
[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="groove,6,crimson" type=1 line=0 align=center use=sp num="0,black"]
ويل الزمن يابنت ياويل ويله = ان كان علا شان من ينفخ الكير
يابنت ماني من جموعٍ ذليله = صغيرنا للقمه اسرع من الطير
وكبيرنا فوق النوايف مقيله =وشبابنا بالحرب ضرب الاعاصير
عتبان لا جا الضد يغلي غليله= نزوم زوماتٍ على الضد تدمير
حنا القمم والمجد حنا سبيله= حنا الظفر في يوم صفق الشواطير
اهل الهمم واهل السيوف الصقيله= واهل الرمك ستر العذارى الغنادير
نبع الشيم واهل الجذور النبيله= منا رضع من نوّر الكون تنوير
[/poem]
الوفاء لصاحب الجميل من سماته
فكتب لسالم من قناة الصحرا ,,
[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="groove,6,crimson" type=1 line=0 align=center use=sp num="0,black"]
ياسالـم الوقفـات ذرب السجـايـا=يالطيّب اللي طيبه اطيب مـن العـود
يـوم المحاكـم امتلـت بالقضـايـا=والناس صارو بين معسر ومصـدود
والديـن بهذلهـم وسـوّا سـوايـا=وسيف الفقر بنحور الاجواد مجـرود
والهـم مترصـد ونــاوي نـوايـا=وحبل العوز من حول الارقاب مشدود
بلـوى كفانـا الله شــر البـلايـا=راح البياض وصارت ايامهـم سـود
ياشيخ سالـم جيـت كلـك عطايـا=واطلقت مسجونٍ شكى ويـل وقيـود
وسالت يمينك مـع شمالـك هدايـا=يفرح بها من كانت دروبـه اسـدود[/poem]
ما كل رجل يستحق الثقة
ينتقي صحبته
فالصاحب
ساحب
وعن المرء لاتسل وسل عن قرينه ,,,
[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="groove,6,crimson" type=1 line=0 align=center use=sp num="0,black"]
اصاحب رجال المكارم والسماح= رجلٍ كريمٍ شب ضو وهب ريح
اليا سمع من قال حي للفلاح= في الصف الاول ياعسى وجهه فليح
صاحب نوايا عذبةٍ مايٍ قراح= لوتنتثر بارض امتلت زهرٍ وشيح
يرحم طفل ويجل شيبان الصلاح= يقدر ويعفو دايمٍ طبعه سميح
يفزلامنه منادي الحرب صاح= ويضرب كما الزلزال تدميره صريح
مزبن لمن هو صابه الوقت بجراح= وتشفى جراحه من وجعها يستريح
خذ علم له نورٍ كما نور الصباح= يومٍ ندر في هالزمن رجلٍ نصيح
ماينّقد من هو في وقت الضيق طاح= إنقد عليه ان جازله فيه المطيح
ودرب المعالي درب ما به مستراح= دربٍ بذل وجهاد نفسٍ مايريح
[/poem]
كتب في الغزل ,,,كلمات تجعل كل أنثى تتمنى انها فيهت قيلت ,,,
[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="groove,6,crimson" type=1 line=0 align=center use=sp num="0,black"]
صغت المشاعر لك حكي مابعد قيل= يطْربْك سمعه واترنّم به طيور
وسقت الموده فوق قلبك مخاييل= منها نبت قلبك من اشواقه شعور
وترجمت عشقي فوق دربك هماليل=منها امتلى دربك فراشات وزهور
ولامن وصفتك شعر وصفي كما السيل=يثمر غصون احساس ممحل له دهور
واذا رسمتك وصف باحلا التفاصيل= خليتك تظنين نفسك من الحور
وان ابتسامه كافي تبدد الليل= وانك عذوبه كافيه تعذب بحور
حتى القمر والشمس والجدي وسهيل= ظنيتي ان وجهك لهم مصدر النور
وياحسرتي ماشفت منك محاصيل= غير انغماس الروح في عالم الجور
وتثيرك العذال والقال والقيل= وافهمك وانصح وما تسمع الشور
[/poem]
أبيات لا تخلو من الحكمة
تستوقفنا لتأمل خفايا الأسطر ,,,
[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="groove,6,crimson" type=1 line=0 align=center use=sp num="0,black"]
سمح المحيا والخوافي مجاهيم= يخفى مصايب بالحنايا عظيمه
لو يكشف الخافي ملا العالم الضيم= وخلاّ ثمار الارض علقم عقيمه
مذنب ليا من صام عن كل تأثيم= افطر على ذم وتسحر نميمه
مستهدف قلوب النشامى المحاشيم= كبواتهم في شرعه اعظم غنيمه
زلات خلق الله (فـ) سمعه ترانيم=وترقص طرب منها النوايا الاثيمه
ويعزم على العثرات حفنة مهازيم= ماسرح اطيبهم بتالي بهيمه
ما الله عطاهم من خيار المقاسيم= سود الوجيه من الوقاحه دميمه
مرضى القلوب امن الشهامه معاديم= لنهاشة الجيفه عساهم وليمه\
[/poem]
الفراق موجع ,,
يهز الفؤاد ,,
ويورث حزن كلهيب الشمس الحارقة ,,,
[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="groove,6,crimson" type=1 line=0 align=center use=sp num="0,black"]
ثلثين قلبي من افراقك غدا دامي= والثلث الآخر رجا شوفك رثع قشّه
قلبٍ بَعَدْكم جفاف من الجفا ظامي = مشتاق يرجي سحابة وصلك اترشّه
ما عاد يقوى صروف الوقت لاهامي= وعظام صبره من اشواقه غدت هشّه
والبوم ينعب على اطلاله من العامي=وطير الهنا من جفاكم مات في عشّه
من عقبك الهم سل السيف قدامي= والغم به غل في وسط الصدر فشّه
وانياب فرقاك قامت تنهش عظامي= وتترك هشيمٍ يهب الشوق وايقشه
وخافي ظميري تبيحه قسوة ايامي= والعين تفضح علل بالجوف منخشّه
[/poem]
من سماته الشخصية التي تجلت بوضوح
التدقيق والتمحيص قبل اختيار الاصدقاء
ومعرفة من يصاحب قبل ان يأمنه على سره ,,,
[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="groove,6,crimson" type=1 line=0 align=center use=sp num="0,black"]
ما اخاوي الا الحر نسل القرانيس= مكرّم اليمنى قوي العزومي
ضيغم ولد هاك الاسود المتاريس= من وصلهم تنعم بعزٍٍ يدومي
لحتجت له وقت الليالي المعابيس = شفت السعد لاشفت زوله يزومى
ياطى على روس العفون الاباليس= لطام وجه العايل ان جا يهومي
في جوده اكرم من غيوم ونسانيس= وعلى الضعيف ارحم من امٍ رؤومي
جزل العطا من دون حد ومقاييس= عطاه يفرح كل قلب امحرومي
والعز ثوبه ظافيٍ له على القيس= ومطرزٍ بالطيب حد الكمومي
ماهو من اللى من الشهامه مفاليس= ولاهو من اللي فوق جيفه يحومي
وانا بدر ماني من اللي ملا الكيس= بشرور واحقادٍ ووجهٍ شؤومي
[/poem]
ختاماً اتمنى ان يكون هذا المتصفح حمل لكم المتعة والجمال في حرم بدر المورقي
****
وأرق تحية