[align=center][align=center]السلام عليكم ورحمة الله وبركاته[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الخوف أسمع مع الريح صوت خطاه = والنور وسط المدينه مظلم وطافي
الكون عتمه ولا شوف اوله وقصاه = والليل مبطي على صدر السماء غافي
سريت والبرد بعروقي اااه يامقساه = وشبيت جرحي جمر ودموعي لحافي
مليت دربي ورجلي عافته ممشاه = لكن نصيبي حداني والحزن وافي
كنه طريقي لحالي والزمن سواه = عليه أشيل الهموم وقلبي اكتافي
وقتي محمل خفوقي شي ما يقواه = والناس حولي ولا تدري عن الخافي
خليت خلف اغترابي واحدٍ مانساه = ياما حضنته من التحنان ب طرافي
لو أن قلبي عذابه من سبب جفواه = لكن احبه واموت في صوته الدافي
كانت حياتي جميله ودنيتي وياه = لاشفت زوله بعيني عن البشر كافي
لا مانسيته وقربه كم لي اتمناه = لجله خفوقي على جمر الوله حافي
أصبحت ضايع غريب الدار من فرقاه = وقلبي من البعد لاطيب ولا شافي
ودعت شوفه وحلو الوقت مع يمناه = رجعت بعده على أيام اللقاء خلافي
أتخيله لاجيت وقت الغروب القاه = الشوق سايد مكانه والوله ضافي
ونجيت قبله يموت الصبر في محياه = وأنسى انتظاري أذا شفته وميقافي
والحين يبكي مكانه وقلب من خلاه = تصرخ طموحي عليه وتبكي اهدافي
اللي بقى في مكانه ريحته وخطاه = والنور فوق الكراسي مظلم وطافي[/poem][/align]