ماني بمن ياتي على شـان يـدرون
انا اللذي يـدرون بـه قبـل ياتـي
نجمي سطع من غير بيرق ومليـون
قليل فـي جيلـي يسـوي سواتـي
ماجيت اهايط بـس لا زم تعرفـون
مازعزعت بعض السوالـف ثباتـي
لو شلت في قلبي مثـل مايشيلـون
ماكانت الطيبة مـن ابـرز صفاتـي
يامحمد ابن فطيس وش فيك مشحون
مااخطيت يوم اني حسبتـك لقاتـي
ابي اطفي الفتنه وابي انشدك وشلون
اسلم من الضيعه واجمـع شتاتـي
الناس معها عقل ولسـان وعيـون
وقدامهـم كزيـت يمـك وصاتـي
ماجيتك ببيت مـع الشعـر مدفـون
جيتك على وضـح النقـا ياغناتـي
ماني من اللي في قفا الناس يحكون
عيب على ألحـق خويـي حصاتـي
اللـي لياقفيـت عنهـم يـهـدون
ماهـم بكفـو لرجعتـي والتفاتـي
سكرت اذاني عن وكالـة يقولـون
وذكرت لـي بيـت يفسـر سكاتـي
الله يجيبك مـن بعيـد ن اليـا دون
والله يحطـك باللقـا مـن تـلاتـي