[frame="15 80"]وجه سود الليالي
الله يبـيّــض وجـه .. ســـوْد الليــالي
فيها اتضـح لي .. صاحبي من عـدوّي
ناس ٍ تبي لي خـيْر .. ماهي تـبــالي
وناس ٍ تبي همّي .. وتعكــــيـر جــوّي
ودايـم اسـمّـي كلّ من شفـت غــالي
الطيـب ســــوّابـي .. ودايـم يســوّي
والناس تحسب طيـبتي .. ضعف حـالي
وآنا قــوي احـســاس .. ماني امتقـوّي
حارت ظنــوني .. واشغــل الهـم بالي
والجرح كايـد .. في الضمـير امتلوّي
ويوم اختلط في الذوق .. مر ٍ وحالي
وعْجزت انا لاعْرف ولادْري شسوّي
جـمعْـت كـلّ اوراقـي .. اوّل وتـــالي
لين اجتمع عمـري هنـا .. وصار تـوّي
جلست مع نفسي .. أجـاوب سـؤالي
ساعة صفا ذهـني .. ولحظـة تـروّي
ليه اهتــمامي .. كيف اكـون المثـالي
والنّـاس .. تـوّي أعْـرف النّاس تـوّي
عرفتـهم .. والعيـب فيــني .. بـدى لي
وما عــاد تنـفعـني الحسـايف .. ولوّي
ياما اصفقت يمنــاي .. راحـة شـمـالي
والناس نفس الناس .. انا ويش اسوّي
بشــوم عن خبث النفـوس .. الثـقـالي
واجــاور الجـوزا .. وانـا بيــتي نــوّي
الارض للي داســـهــا .. والسـمــا لي
خل الحطب للحـاسـد .. الشمس ضوّي
رفعت صـوتي .. والصـدى في الجبــالي
وسمعت وسـط اعماقي صوت ٍ مـدوّي
الله يبـيّــض وجـه .. ســــود الليـــالي
فيها اتضح لي .. صـاحبي من عــدوّي[/frame]
رد مع اقتباس
