الـــــــsــسلااااااااااا� �ااااام عليكم ..
الى كل جيكره ناشبتن في حلق أهلها وماتصرفت مع أنهم حاطين معها أختها مجانا لترويج البضاعه اللي ناشبتن في حلوقهم ..
أليك عصارة راسي وبنات أفكاري أضعها بين يديك سيدتي ... وععععععععع
كيف تصطادين جيكر ........دون اللجوء للأساليب المعهوده والسقيمه مثل (المغازل ،الترقيم،التميلح الي ماله سنع،الترزز بالاسواق .......الخ )
للأجابه على هذا السؤال اليك مايلي :
أهم نقطه :نشني على العجوز الي حاطتن عينس على ولدها ثمن نفذي مايلي :
1-خلس مع امس لاتروحين مع البنات أصبري عنهن كم شهر لين تتم العمليه ..
2-أمشي وأنتي حاطتن راسس بين كتوفس لاترفعينه عمى يعمي وجهس (خلي الفكس دائما في متناول اليد ) علشان يقولون مؤدبه ومب متكبره
3-كلمة خاله خليها على لسانس وخاصتن لأم الجيكر علشان تحس بنوع من التميز عن بقية العجز ...لامانع تنادين وحده ثانيه بخاله علشان أذا مانجحت الخطه مع العجوز نمبر ون تنجح مع الثانيه اتبعيها كخطه أحتياطيه (يعني سبير)
4-أذا بدت امس تتكلم انغزيها بكوعس ( جعله الكسر ) علشان تدخلك بالموضوع حتى لو مالك داعي تطبيقا للمثل (كثر الطق يكسر الحديد) أدري أن المثل ماله داعي بس مالقيت غيره
5-خوانس وخواتس الصغار لاحقيهم وطامري وراهم وين مايروحون حتى لو مهوب عادتن لس بس تصرفي معهم كأنك أمهم لأن هذا يوحي بما لايدعو مجال للشك عند العجوز بأنك حريصه على ذريتس (مالت عليس)
6-مهما أكلت امس من أكلة زينه خليها تقول :نفس الاكله الي تسويها بنتي (حتى لو الاكل من المطعم الصيني أو المكسيكي )
7-أذا جيتي بتمدين أيدتيس ( جعلها الكسر )أعبطي خشتس وتويجعي وخلي أمتيس تقول :قايلتن ليتس وأنا امميمتس لاتنظفين جدران الفله الخارجيه بس أنتي الله يهديس ذابحتس النظافه جعلي ما ابكيس ( أجل بتنظفين جدران الفله ..نظفي غرفتيس أول الي تقولين ثايرة فيها قنبله ذريه )
8-دايم أرتزي كأنك بالعتن قصبه علشان ماينقص من طولك ولا سنتيمتر (للقصيرات)
9-أذا تكلموا الحريم عن أي عرس أكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس لاتكتمين نفسك مره أخاف تروحين فيها وأصير قتلت نفس بغير حق ) او اذا متي ما عليس حسوفه
10-مهما كان موضوع الحوار حماسي لاتبدين رأيس وخليس مثل الطرماء لأن اللقافه تجيب أجل الخطه
11-الرمث او العبل ( الشعر ) حقس أفرديه لين يتحسحس لاتخلينه طاير وشوشه مهما كانت الموضه لأن العجز مايدورن الا الي شعورهن ناعمه والا ياعمري الي شوشهن طايره مااحد يلتفت يمهن
12-أذا أدلت العجوز (أم المتوهق) بأي رأي سواء كان سياسي أو وطني أو أقتصادي وافقي عليه حتى لو هو ماسخ وماله داعي مثلا تقول العجوز:أمس بوش متقهوي عندنا قولي لها :وليه ماعلمتينا ياخاله نجي نعاونكم
13-في العروس لاترقصين أربضي وأقضبي أرضس وأعتبري الرقص عيب وشق جيب
14-أذا جاء طاري السوق وطبعا هو لازم يجي الطاري لأنه ملح الجلسه عند الحريم خلي أمس (الله يعظم أجر اميمتس) بناتي مايطلعون للسوق أغراضهم أبوهن يجيبها (وانتي شكلك مقطعه السوق تقطيع )
(((((( أحتمال وارد الحدوث ))))))))))
ممكن تكون العجوز منشنه على بنت غيرك لكن بعد النقاط السابق ذكرها بتصرف نظر عنس وعنها (أمزح لاتصدقين )
الحين بتكون العجوز وقعت باالفخ نرووووووووح للجيكر ( الفريسه ) الحين :
أهجدي في بيت أهلس ولاعاد تطلعين .. أذا جاء المعرس بيشوفك خلي أبوس يقوله :والله ودي تشوف البنت بدون ماتدري علشان تأخذ راحتك وانا عمك وبعدين تشوفها على الطبيعه علشان ماتقول بعدين غشيتونا ( أيه هين والله لو يحصل حطيت بدالها سميه خشاب )
وقبل يجي اليوم الي بيشوفس فيه بحوالي أسبوع أو أكثر (على حسب شين وجهس ) أدهري من مشغل لمشغل (صبغه ،فرد،تنظيف بشره،.........الخ) لاتخلين على روحس قاصر ..
ولما يجي المعرس يبي يشوف خشتس خلي اخوس ياقف بجنبه علشان يستحي الجيكر ولا يطول في التبحلق وترروح الخطه ويبان المستخبي ( والا خلي واحد من اخوانس ثاني من يوم يشوفس دخلتي عتد الرجال علشان يشوفس يعد من واحد الى خمسه وعقبها يقول يمه يبه البيت حقنا شب ) علشان ما يبحلق زين ونقد بها
وشوفي لا تبحلقين في الرجال كندسي ولا تخلين شي من جهس يبين يعني
( من يوم تدخلين عنده كندسي وشعرس بينزل ... الرجال بيوافق ) شششششششششششور
عاد انتي اختاري واحد من هالحلول ... وش اسويلس اقطع عمري
بعدها
خلي ابوس في نهاية المشاهدة يقول:العذر والسموحه وأنا عمك (الأخ ضمن الولد يوم أنه يقول وأنا عمك ) ترا البنت حوسه مع أنك كاشخ . لا زم يمدحه
في هااللحظه الولد بينط على رأس ابوس وبيمطخه لين يشفط مخه وبيقول متى العرس ياعم (اللهم أرحمه فقد كان ولدا بار بوالديه )
عاد الله يوفقس ولاتنسيننا من حلاو العرس وأياني أياك تعلمين الولد من الي معلمس هاالعلوم ولا حتى بأسم القصر لأني أعتقد أنه بيسوى مصيبه وأخاف يحط حرته فيني
(((((((((( تحذير )))))))))))
أبعدي عن أمهات العيال الي متعلمات راعيات الشنطه مثل لون الجزمه لأن هذولي يبن خطط بعيدة المدى ..
بااااااااااااااااي ..
[/align]
رد مع اقتباس
