السلام عليكم ورحمة الله وبركاته
،،،،،،،،،،،،،،،،،،،،،،،، حذف بواسطة جميل
مالكم بالطويله
طبعا الكل شايف الفرق بين رجال اول ورجال الحين
انا ماقول ان مافيه رجال لا حشى فيه ونص ولكن الغالب رخوم والرجال يكادون يعدون على الاصابع
من يوم تركو عادتهم الاوله وسلم ابيهم وجدهم وهم اردى فاردى
الرجال اول بفعايلهم برجولتهم بشهامتهم بحمياهم على القبيله والاهل والجار والبعيد
والشجاعه والفزعه وسلومهم الطيبه
ابسط مثال (( القهوه )) من سلمهم تحمس قدام الضيف وتدق وتفوح
(( القهوه )) لو ماشربها الضيف يلبى طللبه لو هو ويش << والحين لو ماشربها فالعنة تلعنه خخخخ
المجلس الي مافيه قهوه مجلس (( هـــمـــــي )) ضايع اصل وعيب وطر جيب
والحين للاسف
الحين نصنا تجيه قهوته من مطبخه ومسويتها فلبينه ولا اندونيسيه << ويش عرفها بالكيف ياناه
اذكر شخص قالي مره (( قهوتكم هذي اللي ازعجتونا فيها ابشرك مابعد ذقتها )) << اكيد عرفتوه
المشكله انه من قبيله معروفه (( ههههههههههه )) << يمكن شاب ضوه مهم الله واعلم
يحسبنه بالكلمه ذي انه مايعرف قهوتنا بيتطور وبيزيدون معجباته خخخ << الوكاد ان الرجوله علوى وهو حدرى
مادرى انه عقب كلمته ذي غدى عندي (( جناع باعوضه مطير في العجه ))
(( الصبي وان طاب طيبه من خواله .... وان تردى فعرف انهم خايبيني )) << يمكن العرق دساس .. اذكر انه مره قال خواله مدري منين :مزون:
الحين الرجال اللي تصير مشكله لولد عمه ولا قريبه وكنه غريب مايقرب منه ولا يحاول يستفسر
(( كلن نفسي نفسي )) لعنبو غيرك وين الحميا ,.؟ وش خليت للنسوان ..؟؟ ماناقص الا تلبس برقعك وتربض مع اماتك
طيب خلونا من الموضوع هذا
نجي للي يحط راسه براس بنت من خلال الشبكه العنكبوتيه او في الواقع
وناقد من الدرجه الاولى ويتكلم في امور ويتفلسف (( في صالته ومجلسه مافيه الا الذبان )) << رجال ذا
ولا علومه كلبيها فلوسي وفلوسي (( ويصور ربطات فلوس ويحطها على طبلون موتره )) تحسبنها بترزك ولا بتطلع رجولتك اللي لو تحج البقر على قرونها ماطلعت خخخخ
<< ماتقصد حد خخخخخخخخخخ
في ذمتكم الفصيله هذي من اشباه الرجال (( مهوب حرام نطلق عليهم اسم رجل )) << قسم بالله اني ارجل منهم وانا بنت :مزون:
انا مناب مسترجله بس انوثتهم غطت على انوثتي :مزون:
يقول شاعري ابن جدلان
((عباد مغفلها الزمان واتعجبي
يحسبون قل المال في الرجل عذروبه)) << جعلهم فدا ثرك ذا الخمه الوباء
الرجوله عسسسسسسسسسسسسرهـ مهوب كل من هب ودب وقال انا رجال صدقناه
بعضهم مايفرق بينه وبين اخته الا الشنب
ولاتطلع في خده حبه صك على روحه الباب اسبوع في غرفته مكتئب
وفوق ذا يقول رجال (( الله يرحمك يابو عدي )) << لاتقولون وش جاب طاريه
هو في بالي على طول كل ماشفت احوال رجال الامه طرى علي وصدق من يوم مات والعرب مااااش
فيه قصه قدييييييييييمه للشاعر الغيهبان المري رحمه الله
اتركم مع القصه..
هذه قصيده قالها عندما كان راحل هو وابله ومرته من ديارهم
يدور للحيا وعند ما اقتربوا من عد ((بير)) توجد بين تمره والسليل حاليا
تسمى الطوا ترك ابله ومرته لكي يذهب الى العد ليرى هل فيها ماء ويعود
وعندما عاد الى المحل وجد امرته عاريه وتبكي والبل ماخوذه فاخذ عمامته
وسترها بها وقام ولحق البل على جرتها ولحق القوم وتعارك هو واياهم
ذبح منهم خمسة عشر رجال وفك البل وعاد بها (( بروحه ومامعه فزعه ))
بعض الابيات من القصيده ..
يوم جيت لاذي كاعبي مسلوبـه.........تذرف بدمعة عينهـا النجلائـي
بيضا مخالطة البياض بصفـره.........مثل الذهب في الفضة البيضائي
ثم قلت يالكاعب عليش بسترش.......الستر تحت عمامـة نصبائـي
كاني لحقت البـل ولا رديتهـا.........فانـا رقيـد القينـة السودائـي
كاني لحقت البـل ثـم رديتهـا..........فانا رقيد الكاعـب البيضائـي
اشهدن لها رجال
لو انه واحد الحين كان ضربته العقاقيل في محله وطاح منجفع والذبان يومي فوق راسه :مزون:
كان قال اخذو مرتي لابوها لابو من جابها بس خلوني :مزون:
ولا الحوارات اللي تدور بين الاعضاء في المنتدى
الرجال يبرى للبنت الين يشبكها وهي افرح مالها ان جاها صديق
<< مصدقه انها يحبها وهو في قرارة نفسه يقول الحمدلله انها ماتقرب لي :مزون:
يالخبل (( اسئليه يرضى ان اخته تعرف على واحد )) اتحداش يقول ايه :مزون:
والى قال ايه اتراه (( ........... )) يعقبه الفنجال :مزون:
(( مايدري ان كل دقه بدقه ))
اختك ولا مرتك ولا بنتك ولا بنت عمك .....
من غلط في بنات الناس غلطو في بناته
ومن زنا في بيت ناس زنو في بيته ...
اتقهو الله يابشر في نفسكم وفي شوفاتكم
خلك رجال بكل ماتعنيه الرجوله من كلمه
اترك الاسلوب الخبيث الاسلوب النجس اسلوب الرخوم اسلوب الغدر المكر
خلك صوره مثاليه للرجل
صوره نقيه طاهره << والمعروف عن الرجل الطهور والنظافه بعكس المرأه
<< كيفي كم مره اقول ماحب النسوان مادانيهم :مزون:
واتركم مع قصيدة ابن جدلان اللي اموووووووووووووت فيها
الايالهبوب الباردة عجلي هبي
على جاش من قامت هواجيسه تلوبه
انا مرة اصحى ومرن يغيبي
اسرح مع كثر الطواري بغيبوبه
الا يادهر ماهوب حق تلاعبي
وخليتني لمقرد الخلق لعبوبه
عباد مغفلها الزمان واتعجبي
يحسبون قل المال في الرجل عذروبه
وانا قانع بلي علي كاتب ربي
ومومن بمقدورة وقانع بمكتوبه
ولا ابغى عمى الاريا برايه يجربي
وهو ماعرف ماجوب ربي وما جوبه
هذور المجالس راعي المدح والسبي
وهو في الخلا لوجاه بنت خذة ثوبه << يالبى ذا البيت انا اششششششهد :مزون:
يقولون لي جز من تصرفك والتحبي
وانا توبتي من مجتمعهم هي التوبه
ديار الوبا من طبها راح متوبي
وقرابة الجربا على الحول مجروبه
وانا عارف منصاي لمن بدا نبي
واعرف طريقي الي بتجه صوبه
وانا اعرف من اعادي وانا اعرف من احبي
وبه ناس لاتبغض ولاهي بمحبوبه
واحتري نقاشكم وريلاكسسسسسس ياحلوين
هذا رابط موضوعي عن البنات المايعين للي ماقروه
7
7
http://www.g111g.com/vb/t143997.html
الموضوع مكتوب مخربط لاني انعس وباروح ارقد << جعله مرقد العافيه
والرجاء من الاداره ماتحذفه مثل ماصار مع موضوعي الاولي
لاني قاصده الموضوع بالحرف والمنتدى الغرض منه توعية الجميع
،،،،،،،،، حذف بواسط جميل
أبي اشوف وجهات نظركم واشوف تفكير العالم هل هو مثل تفكيري
هل انتو مؤيدين لهم ..؟؟
ارجع اكرر الموضوع للنقاش فقط لاغير << نذرن على خيط ارقبتي اني انااااقش لاحد يجي ويدبل كبدي :مزون:
واسمحو لي لاني ماعرف اتكلم بالفصحى وكلام مرتب .. بس المهم ان المعلومه وصلت
احتريكم وجعل اللي مهوب راد الجدري وحمى الصفري دئلت