التعليقاتمنع الإضاءة الخافتة في مطاعم المراكز التجارية بالرياض
الرياض – سالم كنعان السالم
اعتمد صاحب السمو الملكي الأمير سطام بن عبدالعزيز نائب أمير منطقة الرياض توصيات اللجنة المشكلة لدراسة أوضاع المطاعم العائلية داخل المراكز التجارية بمنطقة الرياض لتنظيم أوضاعها.
وأبلغت غرفة الرياض مشتركيها بالضوابط الجديدة التي أصدرتها اللجنة والتي تنص على تقسيم صالات الطعام إلى قسم خاص بالعائلات محاط بساتر خارجي وتكون جلسات الطعام بشكل لائق مع عدم الالتزام بالسواتر الثابتة وإنما تقتصر على أن توفر المطاعم سواتر متحركة لاستخدامها عند الحاجة، إضافة إلى قسم آخر مستقل للعزاب غير مكشوف على السوق ويكون مدخله بعيدا عن قسم العائلات أو النساء، وتخصيص دورات مياه للنساء مستقلة عن دورات مياه الرجال، وان تكون الإضاءة مناسبة ويمنع استخدام الإضاءة الخافتة، كما نصت الضوابط على ضرورة مراعاة وسائل السلامة واخذ موافقة الدفاع المدني على إجراءات الأمن والسلامة ومخارج الطوارئ، ووضع حراس أمن عند صالات الطعام.
وأشار بيان اللجنة إلى منح المراكز التجارية مهلة لمدة 3 أشهر لتصحيح أوضاعها على أن تكون أمانة منطقة الرياض هي المسؤولة عن تطبيق الضوابط وتمارس الجهات ذات العلاقة مهامها وفق الاختصاص، وعند وجود أي مخالفة أو ملاحظات يتم الرفع بالمراكز المخالفة للحاكم الإداري أو أمانة المنطقة لتطبيق الأنظمة والجزاءات بحقها.
الواحد يبي يطلع مع زوجتة ويعيش وقت حلو ليه احنا يالسعودية كشافات في المطاعم وتروح اي دوله ثانيه تلاقي الأجواء الحلوه
عموما نحن نتطلع الى قرارت تنفس عن الشعب وترتقي بنا للأفضل
مثلا يشوفون موضوع الواسطة وغلاء المعيشه والبطالة
وحرامية البلد و و و الخخخ
اذا عني ابسوي لي مطعم في بيتي وابحط كل الأنوار خافته
من زين مطاعم الرياض تطلع من بيتك كأنك رايح قبر وسيع شوي
تحس اللقمه تنشب في حلقك من ضيق المكان
يمين يسار فوق تحت كله حواجز وين الوناسه في المطعم وليه اروح
البيت تلفزيون نور خافت شموع ريحه حلوه
:::
طيب
واللي يبي جو رومانتيك !
أها..
يروح يسوي الجو ببيته وبطريقة مشروعة..
احسنتم بارك الله فيكم و وفقكم
.
.
سؤال أخير :
ما دخل الغرف التجارية تحشر نفسها بالطالعة والنازلة ؟!
يعني هناك وزارة التجارة و البلديات.. جهات رسمية
وأقدر على تنفيذ هذا الأمر !
::::
عندي اقتراح افضل.. ,
اغلاق مدينة الرياض و جعلها لنساء.. و نقل الشباب الى مدينة الخرج.. و بهذا الاقتراح تنحل جميع مشاكلنا..
و من يريد ان يلتقي بالعائلة او الاهل يجب ان تكون نقطة الالتقاء على الخط السريع و يكون هناك تشديد امني في حال المقابلة و تشييك على صلة القرابة.. ,
بالله لي احنا كذا حياتنا.. !
انا كشاب لما الروح مجمع ليه اجلس لحالي و يكون المكان كله مقفل و حالتي حالة ؟! لما اروح مجمع ابي اغير جو و اشوف الناس لكن هذا مو يعني اني راح اتعرض لهم ؟!
بالغنا كثيير
؛؛؛؛؛
الرياض صارت تفشل على مستوى العالم وين السياحه اللي تقولون قفلتو المحلات الساعه 12 قلنا معليش علشان الامن بس تضيعون الرومنسيه هذا والله مشكله اقول يازين عرعر بس
:::::
ورى ماتحطون كشافات الملاعب يكون احسن بعد والا لمبات الكازينوهات تشرق وتبرق هه هه هه
:::::::
اعتقد أن البطالة بسبب الأضواء الخافتة؟!
:: :::
لا اوصيكم في كشافات الملاعب.. تراها تنور زييين
:::::
هذي الحركه تمهيدا لاغلاق مطاعم العوائل مره وحده هذي الحكمه الاضاءه بعدين المويه بعدين الطاولات بعدين مافي طباخ بعدين مافي مطعم وكلو تبن يالشعب السعودي هذا حالنا اصلا من زمان مو غريب...
::::::::::::
أحسن علشان بعض الرجاجيل اذا صار رومانسي مايبوس زوجته..
بعدين أنا أعرف رجاجيل لؤمى اذا كان النور خافت ياكل من صحن زوجته وهي ماتدري...
أكيد أن الحريم هم اللي مطالبين بهالشيء
:::::::::::::
قرااار صائب يا
سمو الامير
أجل وجيهم وجية
رومنسية
خخخ
ياحليلهم معصبين
حاولوا انهم يحسون
بالرومنسية
بس للأسف جاهم التحطيم
خخخ
الرومنسية ببيوتكم
الله لا يهينكم بس
ولا يعني قدام
الحريم؟؟؟ وانتوا من
جنبها خخخ
أقول أهم شي
الشباب بعيد
:::: :::::::::::::::
قرار منع الإضاءة الخافتة يذهب إلى شيء واحد معروف
وما أعتقد انه كافي لعلاج هذا الشيء , ولا يحمل كل الصواب لينحرم منها الرومنسيون مع زوجاتهم.
:::::::::::::::
الي زعلانين على القرار وش يفرق تأخذ أكلك وتقعد في البيت وتأكل... ابرك لك وترى طبخ البيت أفضل الواحد يزعل لو انحرم من مطعم يطل على نهر وطبيعة وابي أعرف وش دخل التقدم بالبطن
::::::::::::::
مالكم إلا البيت كلوا فيه وطفون النور حتى لكن أخاف يجي يوم يحددون مستوى الإضاءة حتى في المنازل ياساتر وش ذا الغلب مانبي هونا محنا ماكلين في مطاعم خليه برة أحسن ضيع فلوسك على شيء يستاهل
::::::::::::
قسم خاص بالعائلات محاط بساتر خارجي وتكون جلسات الطعام بشكل لائق مع عدم الالتزام بالسواتر الثابتة وإنما تقتصر على أن توفر المطاعم سواتر متحركة
( يعني بتخلون كل من هب ودب يشوف اهلي )
غريب ذا القرار صراحه
::::::::::::
كلام جميل...تبي ساتر حط,,, ما تبي لا تحط أنت و ضميرك و مزاجك
و أظن منع الأنوار الخافتة مقتصر على المطاعم في المجمعات فقط لكن ما السبب يا ترى؟؟؟
:::::::::::::::
يا جماعة الخير أذكروا الله الضوء الخافت ما يخليك تقز مضبوط حتى لو فيه ابن حرام يبي يصور والناس ما تدري برضوا صورته ما راح تطلع واضحه لازم اناره مظبوطه ليش تتمتع بالخصوصية انت والمدام ؟ ليش ما تورّيهم المدام ؟ حتى السواتر اكتفوا بالمتحركة على حسب الطلب !! ويا خوفي بكره يكتبون على السواتر للمتخلفين فقط !! يسوونها والله !