[align=center]السلام عليكم ورحمة الله وبركاته
بسم الله الرحمن الرحيم
قصيده اتمنى لها القبول[/align]
[poem=font="Simplified Arabic,6,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
رجـال لا بالله مـاهـو بـرجـال =هذا شبيـه اللـي تحـط المكاييـج
ما كل من ربى شنب صار رجـال =هـذا رفيـق ٍ للبنـات المخامـيـج
هذا ردي ٍ صورته تفضـح الحـال =ضاري على إ سلوب البنات المغانيج
مفروض يلبس له خمار ٍ وسلسال =ويحط له حمـره ويطلـع برستيـج
والله مدام الشعر في هاجسي عـال =لا بنّجه من شعري الجـزل تبنيـج
تضحك عليه الناس ما بين عِقـال =وما بين نـاس ٍ كلبوهـم مراجيـج
الغانمين يمين وهو دايـم شمـال =ما هاج عن عرضه ولا يمكن إيهيج
يا هيه يا النمرود يالخبل يالضـآل =ترقص على صوت الخنا والأهازيـج
ما تستحي وأكتافك عراض وطوال =واللجلجـه فيـدك وفيـد الملاجيـج
تكفون يا عيال الحمايل والابطـال =وانتم سلايل من يسـوق المساريـج
لا يلبس الغتره ولا يلبـس عقـال =هذا شبيـه اللـي تحـط المكاييـج
وإن كان لابس له على الغتره عقال =فـي ناظـري كـل الاوادم هلابيـج [/poem]