السلام عليكم ورحمة الله وبركاته
[poem=font="arial,6,darkblue,bold,normal" bkcolor="white" bkimage="" border="ridge,2,darkred" type=2 line=0 align=center use=ex num="0,black""]
هلا يا منتهى عمر(ن) قضيته با لخفا دوار=هلا يا مرحبا يأ حلا القصا يد وأجمل ابياتي
هلا بك عد ماهبت جنوب وساقت الامطار=على دار(ن) رزقها بالحيا رب السماواتي
هلا يا شعر (ن) يسر العيون ويحرج الشعار=هلا يا سحر (ن) وحبر (ن) يعيفني كتاباتي
هلا باسم (ن) ليا شفته وقفت وقلت ياستار=هلا با للي يبعثرني قصيد ويجمع أشتاتي
هلا زايد هلا مثله ولوهي تنحسب تكرار=يهون الضعف لعيونك واقدم لك تحياتي
هلا مليون لا والله قليل الا هلا مليار=هلا كثر إشتياقي لك هلا بك عد آهاتي
رجوعك ريح أعصابي وطفى با لضما ير نار=لإن الحزن بغيابك حسبته من هواياتي
تركتيني وقفيتي ولاجاني جديد أخبار=وأنا من يومها أردد متى ترجع متى تاتي
يمر بمسمعي (مزعل) يغني لي صبرت أمرار=غراب البين بغيابك يشاركني معاناتي
عطيتك يا لغلا نبذه تبين لك وش اللي صار=عساني ما أفقد حظور (ن) يعوض كل مافاتي
ابنزل للبحر وأجمع بيوت اللول والمحار=الا يا طالب الغالي لزوم تسوي سواتي
رخيص الهرج تلقونه قريب وبا أرخص الأسعار=زبونه يلحق الكلمه عباره قافها آتي
واناماني مثل غيري لوإني عاكس التيار=أحب الفلسفه وأفصل خيالي عن محاكاتي
الا يا لا يمي خل الملام لماجد النصار=عرفته شاعر (ن) كنه يصوغ الشعرعن ذاتي
انا اليله على جوه نويت أكمل المشوار=ابكتبني وتقراني وابفتح لك ملفاتي
ابغنم هبت رياحي وأغني لك من الأشعار=مدام الريح عادتها السكون بمعظم أوقاتي
انا ما ارضى لمحبوبي كلام (ن) محتواه إنذار=ولا أشدد ولا أهدد بحذفك من سجلاتي
ولا أشبهك بالخاين وأقول أخطيت ياغدار=معاذ الله من كلمه تزيد حساب سياتي
حبيبي خذني بلطفك ولاتزعل من الثرثار=لعله يتسع صدرك على باقي متاهاتي
ابي كلمه توضح لي مصير التايه المحتار=عشان ارتاح من كثرة هجوسي وأحتمالاتي
أذا قلبك هوى غيري خلصنا والقلوب احرار=عليك الخطوه الأولى وانا أسدك بخطواتي
توقع لا توهقنا وتلفت غافل الأنظار=أعرفك ما تمنالي مصيبه فوق مأساتي
وداع (ن) يا شقى عمر (ن) قضيته للعنا دوار=وداع (ن) يا بعد حي القصايد بآخر ابياتي[/poem]
ملاحظه :
ذكري لاسم الشاعر العملاق // ماجد النصار
من باب الاعجاب ليس الا