[poem=font="simplified arabic,6,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
السحب ياعاتي الارياح = لا متى وانتي تدفّيها
كل ما برّاقها لي لاح = ودن راعدها.. دفعتيها
اتركيها ياعسى تنزاح = ضيقة اللي دوم راجيها
غيثها يروي ظما الارواح = والهشيم اليبس يحيها
لا تخلّين الظما يجتاح = حي الارض وحي أهاليها
للربيع وعطره الفواح = كل روح تمد كفّيها
وطيرفكري صوته الصدّاح= يشرح النفس ويسلّيها
للعلا يكفخ بكل جناح = يكره من الارض واطيها
موعده بمعانق الافراح =لا اعتلى عالي مباديها
للشرايد صايد وذبّاح= فى النحر والراس يدميها
شوفته تشفي من الاجراح= وغيبته والله مادانيها
للوصال أواصل الإلحاح=مع هوى روحي وغاليها
ولاح ياملاحي محاها ماح = ضاعت وضاعت معانيها
الصباح بنوره الوضّاح= يجلي الظلما وينهيها
للأصيل اللي غدى سوّاح = جيب بالشْرّد مضوّيها
من طموح الصاحب الطمّاح = الرجل تسبق خطاويها
كيف يستلقح وهو لقّاح = الهقاوي خاب هاقيها
وش حصيل مطرّد الصحصاح=لامتى والروح مشقيها
وكان ماني للخوي نصّاح = وش ابي بالناس اخاويها
الخوي بيد اخوياه سلاح = ساعة الشدّات يحميها
ولاّ اخوّة ساعة الامزاح = خانة(ن) كل(ن) يغطيها
جيّة اللي ودّي انّه راح = يالله انّك لا تحيّيها
يامحمد راية الاصلاح = راح بايعها وشاريها
الحيا لا جاك عنْه أمداح = ارع دون ارضه ولا تّجيها
حكمة أهل المعرفه مصباح=اتّبعها لا تخليها
اتّبعها مثلي وترتاح =لاتروح تروح بيديها
القفل والباب والمفتاح = صار حاميها حراميها
الامور مدبّره ياصاح = والعلوم الله يسوّيها
يوم قام حزام للي طاح = ليته اعطى القوس باريها
مد بالما شجرة التفاح = مير ماطابت مجانيها
الفلاحه شغلة الفلاح = والرعيه عند راعيها
والبحور يجيلها سبّاح = والجروح إلْها مداويها
والروى يغني عن الضحضاح= والعرب تعرف بساميها
فكرة الامداح والارباح= ترفع الروس وتوطّيها
والرؤوس اللي عقلها باح = جت تدربى بين أذانيها
عالم تزيد الصياح صياح = وجنّن المجنون صاحيها
وطاحوا بعالم كما الاشباح= الحرار بنار تشويها
خلظة السكّر مع الاملاح = متّضح للناس خافيها
واضح المضوى من المسراح= والعيون الله معميها
كان قدرك بالعطا نضّاح= صبتها لو كنت مخطيها
شيّخوا فؤاد ابن بطّاح = شيخة(ن) يسمع بطاريها
الضعيّف لبّسوه وشاح =واكل لقمه سمّها فيها
الخطا ياهو خطا فدّاح = يستر الله من تواليها
ابتلشنا معْ حصاة رزاح=بلوة(ن) عمّت بلاويها
تاح ياراع الرعيه تاح = من يسرّحها يضوّيها
لاتظلّي حلية المسباح=بين فاركها وراميها
كان ماعندك صبر وكفاح =ما انت ماخذها ومعطيها[/poem]