يوميات دجاجة !!!
زبدة الكلام اني ودي اشهويكم شوي واعلمكم اني من هواة تجميع الدجاج <== حشا طوابع ماهي دجاج واني اطارده واطلبه حيا وميتا واحب اتعمق في حياته ووش برنامجه اليومي؟ ووش اكلته المفضله؟ وش اعز لقسه له في حياته؟ وقررت اني اسوي لكم هالحصيله اللي اكتشفتها من خلال تجربتي معهن وهالحصيله ماطلعت من عدم الله يصلحكم تدرون اني جالسن انتداب في عشة دجاج اكثر من يومين متوزي تحت كرتون ثلاجه كخخخ <== تراه ياكل من طايح البيت اللي يجيهن بصراحه خلونا صريحين
من منا مايحب الدجاج المربّص والمتبّل في وسط سطل من البهارات لمدة ساعتين ومن منا ما يحب يقلبهن على لواهب الجمر في طلعة حليوه <== مهيب اللي في شقراء ومن منا مايحب يسدحهن ( ربي كما خلقتني ) على شبك ( التبانه ) ويحط فوقهن لبنة تبن تكرمون <== بنت عم لبنة المراعي .. ويقبس فيها لين تحمر خدودهن ومن منا ما يحب ملاحقهن ومطاردهن وفي روايه ترجيفهن <== تراه قد رجف له ديتس الين اذن هذي صورته حفظه الله من كل قطو
وش اسوي قاعد يحرك جنحانه قدامي وده يطير قلت خل اعاونه يمكن تجيه دفعه معنويه قلبتين في الهوى <=== تراه قد نطل له دجاجه من السطح .. الا يبيها تطير بالقوه وانتقلت الى رحمة الله عموما ارجع لنتائج البحث : اذا كانت الدجاجه في يوم من الايام مصدر مهم لفيتامين ب وب1 وب2 وب3 <== حشا فصول مدرسيه فاكيد ان بيضتها بتكون عباره عن خلاصة لكل الفوائد البروتينيه لأنها جامعتن عصاره الدجاجه كلها بس من في هالوقت اللي بياكل البيضه على طول ماخبرت الا ابو عنتر يومه في مسلسل غوار يفقشها على جبهة ياسين ويصبها في اثمه وانا اتراعش حايمتن تسبدي تخبروني مرهف من جد <== اشوى انك تاكلها بكبرها هي وقشرها رحت للمطبخ عقب المسلسل<== راسم قلب حب على عضوده ونحرت الثلاجه وخذت لي بيضه وفقشتها على جبهة الشغاله وانهبلت الشغاله وصاحت في وجهي : مافي كدا هرآآآآم بعدين انتا فيه مالطيّة ؟؟؟ شكلها تسمع بالمالطيه لو قالت الطبيلة يمكن كخخخخ <== اصلا الخوف على البيضة منك انت وخشتك واذكر اني قد قريت موضوع في مجلة ان فيه دجاجه داخلتن كتاب جينيس للارقام القياسيه لأنها باضت اكثر من 130 بيضه في يوم واحد <== شكل الفازلين والنيفيا اندبل سعره انا ماصدقت الخبر لكن اتوقع ان حبوب الفياجرا واصلتن الديتسه(الديكه ) والا مهيب معقوله <== عني انا ان التريله تديور بالراحه احم نرجع للموضوع نجي للاكتشاف الآخر لفصيلة الدجاج وهو انهن بارعات في كرة الطائرة والمعروف عنهن انهن ما يرتقن اكثر من 3 امتار وهذا من صالحهن عشان يكبسن على درجة ثابته من التوازن الارتقائي
<== بعض الكور ينشقن اذا استقبلتهن الدجاجة بالمنقار <== معهن دجاجه روسيّة محترفه اسمها تشكن برقرشوف بس فيه مشكله عويصه تجيهن في حالة اللعب وهو ان بعض المشافيح منهن تترك اللعب وتقعد تنبش برجلها في ارض الملعب كخخخخخ اكيد الخصم يكب في ملعبهم عيش والا شعير <== بيربيكان واللي تلقس بيه العب بيه عفوا تكسب بيه --- الشي الآخر اللي لاحظته في هذه الفصيله هو يخص حالة الولادة لأني كنت احسبها عادية كلها بيضتن تبط منها وخلاص اثر الدعوى تسايدة مهيب سهله شوفوا هالصوره واحكموا على كلامي يعني عمليه سهله مافيها اي تكلف
لكن اكتشفت بعدين ان فيه حالات مستعصيه وشوفوا هالمسكينه صارت تعيش وضع لا تحسد عليه بين لواهب الدفايات الله يعظم اجرها مسكينه حول مايفقس بطنها بكبره من شي يجيها
وبيني وبينكم اتوقع انهن عندهن نفاسيه بعد الولاده اقل شي 20 يوم تنسدح في العشه وريحة الحلبة فايحه وخذ يا زوارات <== ممنوع اصطحاب الاصواص لأنهم بثرين ويبون يحوسون الجلسه هذا غير مطاردهم في الحوش وصجتهم ومناقرهم مع بعض الله يصلحهم
تخيلوا وحده داخلتن العشه معها كسوه والا علبة ماكنتوش في وسطها عيش وجريش وشعير قال لكم حلاو مشكل .. واللي تجيب معها باقة ريش رابطه عليها فلّه مكتوب عليها من ام دحيم الى النفاسيه المنتفه <== طاح ريشها عقب الولاده لا تخافون بينبت عقب العلاج الطبيعي وتخيلوا فيه صوص انابيب ؟؟ لا تباعدون مافيها شي يشبكون لي كنديشن مع احم ( لايمكن الوصول ) ( شكلهم بيسكرون موقعه) بس صوص الأنابيب بيصير منبوذ بين ربعه الصواصا وبيعايرونه ( البيبي الأنابيبي ) شوفوا شكله مسكين متغير عنهم ومن الدلع لابس نظارات ( ياي ) ( بق بقاي ) ياقلبه مسكين مهوب ياكل الا جبن مبشور ورز ابو كاس والدرة الله يحرسه من كل شوايه ومن جمرتن خبيثة لاهبه يا رب
<== تبطي تجيه الطبيلة وأمه تروشه تحت بزبوز العشه اللي ينقط
--------------------
تم قفطه يدور عند العشه========== حقوق الرقعة محفوظه
رد مع اقتباس
![الصورة الرمزية ][*+عجــايب+*][](image.php?u=33&dateline=1164057206 "الصورة الرمزية ][*+عجــايب+*][")
