سلام رديتن فيها سلام وخبر

[جنوبي نجد]

سلام رديتن فيها سلام وخبر * من شاعرن مايجيب ألا جزيل العلوم
ناسن تنام اليالي ماطواها السهر * وناسن تعيش اليالي ساهره للنجوم

[$ الحــيــران $]

السلام عليكم

يمكن أول مشاركه لي وإذا سمحت لي ودي بمجاراتك

استلم ::


يامرحبا من هجوسٍ مثل موج البحر 000 بأهل السواير وربع المرجله والسلوم

اللي ظهر ماخفا واللي خفا ماظهر 000 وأقسى حياة الفتى لاغربلته الهموم

[سـامـيـه]

ابداع من أوله 00صحت قلوبكم تابعوا نحن متابعين
........

[جنوبي نجد]

حياك ربي وعذرا على التـأخير

[دامح الزله]

صح لسانك / جنوبي نجد

وصح لسان / $ الحــيــران $

واصلوا

متابعينكم

لاهنتوا

والصفوف جاهزه

[جنوبي نجد]

أحدن يموت بشهادة وأحد ميت قهر * كل البشر فانية مافية غيره يدوم

يكفي فخر بالرجال أهل السهر والفخر * الله يعز الشجاع الي يشن الهجوم

[جنوبي نجد]

ساميه

دامح الزله

لاهنتوا على المتابعه

[عــبداللــه الــعــتيبي]

صح السنتكم

بتوفيق

[$ الحــيــران $]

استلم ::

الموت لامن وصل مارد عنه الحذر 000 لكن ورد ركابك كان عندك عزوم


السالفه ياعميل الخير أدهى وأمر 000 ماضاع فالسالفه يكود بعض القروم

[$ الحــيــران $]

ساميه لاهنت على مرورك

[$ الحــيــران $]

لاهنت دامح الزله ونورت حبيبي

[$ الحــيــران $]

هلا بك ياعبدالله شرفتنا

[جنوبي نجد]

شفت الصناديد للمخطي تحفر القبر * وتلبسة من عذاب الحرب شين الهدوم
قام الشجاع ودعس في ذيلها مانظر *للحية الي علينا تدفعه كل يوم

[$ الحــيــران $]

استلم ::


أحدٍ ورد ياعميل الخير وأحدٍ صدر 000 الله يجير العرب من كل غاشم ظلوم


ماضاع من حقنا ياصاحبي لو شبر 000 مار الحذر كم وكم حية تبث السموم

[جنوبي نجد]

الهرج ياصاحبي لو طال ولا قصر * ماينفع الي يصدق كاذبات الحلوم
مير أختم السالفة وأرفع يدينك فجر * وطلب من الله عن الديرة تزول الغيوم