السلام عليكم ورحمة الله وبركاته
اولا وقبل كل شي حتى قناة مثل الناس ما عندنا مذيعين مثل العالم ما عندنا قناة تستخف بعقول مشاهديها والهدف من هذا الحلقة المعلبة والممنتجة هو الاعلانات التجارية >>>>>>>>>>> من رمضان ما جاءهم اعلان قالوا جمازوه الحل
لن ادعوا لمقاطعة هذه القناة لانها مقاطعة اصلا ولولا الله ثم طاش لحذفها الكثير من الرسيفر <<<<<<<<<<
ملاحظة : ما بين الاقواس هو تعليق من الكاتب دون ادنى مسؤلية وليس من كلام رئيس الهيئة وللمعلومية كان يتحدث وانا اكتب ذكرني بايام الجامعة ...................................
المذيع ( الناطق بالعربية الفصيحة ما عدى بعض الاحرف) استهل الحلقة بالاشادة بانجازات الهيئة البطولية ........
ثم سال معاليه عن مهمام الهيئة ؟
معاليه يجيب الهيئة لها مهام تنظيمية واشرافية على الشركات المدرجة والوسطاء والمستثمرين بشكل اساسي ........
ومن مهامها الاساسية 1_حماية المستثمرين من الممارسات الغير عادلة .....
2_ تطوير السوق وشركاته ووووووو.. 3 _تطوير الاجهزوة وووو ما لحقت على الباقي لان ال ااااااااا شبكت معى معاليه وما فهمت شي ........
معاليه يقول ان عمر الهيئة 20 شهر والانجازات التي تحققت في هذه المدة القصيرة جدا ممتازة ........
ثم تحث عن الاختلالات الهيكلية مثل غياب المؤسسات الاستثمارية كإدارة المحافظ والوسطاء كمنافس للبنوك والمكاتب الاستشارية المتخصصة وقلة الشركات المدرجة بالسوووق وعلق معاليه اااااااا وما لحقت اكتب ........
تحدث معاليه عن قلة الشركات المدرجة بالسوق وقال ان الهيئة ادرجت لائحة الادراج والتسجيل وتم تسجيل 8 شركات في عشرين شهر ( رقم قياسي طبعا وين جينيس منك ) وقال ان هناك شركات في الطريق ( يقصد طريق الملك فهد ومثل ما تعرفون زحمة والله يخارجنا ) المهم قال شركات كبيرة ومتوسطة وصغيرة وان اي شركة تقدم ملف علاقي تدرس اوراقها في خلال 45 يوم ويتم الرد بايه والا لا ويتم الطلب باستكمال الاوراق ( سجل تجاري ورخصة البلدية وشهادة صحية وفيزة وتاشيرة ) والي مو عاجبه يشتكي على الهيئة ( الله فيه يا جمازوه تبيني اشتكيك على نفسك )
ثم تطرق الى الاختلال السلوكي ( ما نسي يشرشحنا لكن بادب) والقرارت الفردية والشائعات وعدم الاطلاع على لائحة السلوكيات .........
ثم انتقل الى التصحيح وقال في الاسابيع الاخيرة ( توه راد من جنيف موبداري ان التصحيح من شهرين وزود) قال ان التصحيح كان قاسي نوعا ما ( نوعا ما هذي يمكن تجيب اخرتك ) .........
تم تطرق ال 5% وقال ان الهيئة من رمضان لا حظت تسارع النمو في اسعار الشركات ( من رمضان والاعلانات في رمضان تخطيط محكم في الشهر الفضيل ) وعند تحليها للبيانات في صفر ( من رمضان الى صفر يحلل بيانات جدتي حللتها بليلة وقالت وش اخرتها ) لا حظت الهيئة توجه اكثر من نصف السيولة الى شركات المضاربه والسبب هيكلي ( توك تقول عشرين شهر كنا مشغولين بالهيكلة )وطبعا من صلاحيات الهيئة الحد من المخاطر وحماية ( ابناؤها وفلذات محافظها ) صغار المستثمرين من هذه المخاطر والنظام يجيز لها سن اي تشريع لحماية مدخراتهم لذا تم التصويت طبعا اللجنة تتكون من خمسة ( خمسة وخميسه ) ووافقوا بالاجماع وصدر الاداة التنظيمية 5 % على الجميع الكبير قبل الصغير وهذا يدل على عدل الهيئة ( ليه يا حسرة ما الخبر تم تسريبه للكبار ثم للمنتديات ويا غافل لك الله ) وتم استخدام هذه الاداة للحد من ارتفاع الاسعار ( ونهاية الحلقة يقول الهيئة لا تتدخل في ارتفاع السوق ولا نزوله ومهامها اشرافية فقط )
ثم ساله مذيع الغفلة لماذا لا تخرج الهيئة وتتحدث ؟
اجاب معاليه الهيئة لا تتحدث حتى ياخذ السوق مساره وكلام الهيئة ربما يغير مسار السوق او يفسر بطريقة خاطئة تعيق مسار السوق ( ومجفف البصل وش قاعد يسوي بالعربية )
ساله المذيع متى تتدخل الهيئة ؟
اجاب الهيئة لا يمكنها التدخل لا في ارتفاع السوق ولا في نزوله ( وال 5% توك تقول للحد من ارتفاع الاسعار والا انت تتحدث عن سوق بنعلاديش للاوراق الفلفية )
المذيع يساله لماذا يشهر بالشركات ولا يشهر بالمتلاعبين ؟؟؟
معاليه يتلعثم ويرفع يديه في حركة لا ارادية ( جاك الموت يا تارك الصلاة ) ويجيب :كل اسواق العالم تشهر بالشركات ولا يوجد لدينا نص يجيز لنا التشهير بالمتلاعبين ( اسواق العالم تشهر بالمتلاعبين يا بابا والسوق الامريكي يطالب براس خاشقجي صح النوووووووووووووم والا على كيفك الى يعجبك بالسوق العالمي تاخذه والا ما يعجبك ترميه) المهم قال انهم بيسووووون نص للتشهير ( طبعا بعد خراب ماطا ) وراح يفضحون اي متلاعب ( مساكين اهل المليارات اكيد الحين يموووووووتون ضحك ) المهم قال ان تشهيره بالشركات من باب الشفافية (يا كرهي لهالكلمة ) والمصداقية وان صغار المستثمرين هم من طالب بذلك ( ليه والضغار ما طالبوا بعد بمعرفة اسم الجزار )
ثم تطرق الى الضرر والتعويض وان هناك لجنة متخصصة اسمها لجنة الفصل يمكنها النظر في اي تلاعب وطلب كل المسندات من الهيئة ( ومن باب الشفافية راح تعطونهم كل شي ) واذا ماكو نتيجة تتشكل لجنة من مجلس الوزراء للنظر في القضية ( عشم ابليس في الجنة )
ثم تطرق معاليه الى الاعلام وقال انه وسيلة فعالة لتوعية المستثمر وان الهيئة قامت بالعديد من المحاضرات في الجامعات ( عن نفسي حضرت محاضرة لمعاليه عن التمديدات الكهربائية في نادي الصمان الثقافي )
وقال انه سوف يكون هناك محللين معتمدين ووسطاء معتمدين وسيطالب كل العاملين بشهادات تجيز لهم العمل في السوق وسوف يمنح كل من يملك المؤهل بطاقة تخوله للعمل بالسوق ( واشار بيده الى جيبه يعني بيعلقونها هنا )
ايضا تطرق الى الاشراف على الصناديق وانه قارب على الانتهاء من صياغة التشريع الخاص بالصناديق ( وانا اقول ليه الصناديق تسيل اتاريه من باب الشفافية )
ثم اختتم الحلقة بان السوق بخير والاقتصاد قوي وكل الشركات في نمو ونصح المستثمرين بان تكون نظرتهم طويلة الامد ( ورددوا يا ليل ما اطولك وناموا ما دام هذا رئيس سوقنا وعليه العوض ومنه العوض)
رد مع اقتباس
