متواضعه
نتمنى لها القبول
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
ثمان وعشرين سبعه وافـق الجمعـه=وأرواحنا للسفـر شفقانـه وطمعـه
فقلوبنـا غصّـه وفعيونـا دمـعـه=على فراق الأهـل والربـع والديـره
الكـل منـا مجهّـز حلّتـه بــدري=ندري بوقت السفر والطايـره نـدري
انشـاط مابيننـا متكاسـل وسـدري=والنيل قلب الهـدف ماودنـا غيـره
فزوا النشاما على الجي الأبيض وجونا=وعلى مطار الكويت الشـرح ودونـا
لحظـه بلحظـه ولاراحـوا وهدونـا=حتى ختمنا على الباسبـور تأشيـره
رحنا انتسابق كما الغـزلان للصالـه=جمعـا ولافيـه واحـد روح الحالـه
نحاتـي الوقـت واللحظـات قتـالـه=وماكل تأخيرة فـي هالزمـن خيـره
وعلـى كراسـي الكويتيـه تسدحنـا=كبينا هم الـوزن والشحـن وارتحنـا
نومسنا شوف المدرح حيل وأفرحنـا=وقمنا انتسمع حكي الكبتن وتحذيـره
أول كلامـه بـداه بــلا الــه الا=الخافض الرافع اسمه يشفـي العـلا
اللي فرق بين أهـل صنعـا ومانيـلا=كريم خير الخلايق مـن كثـر خيـره
قال اربطوا الأحزمه واقلاعنـا قـرب=سواقها ابن المضف وسيف مجـرب
ضاري على الخط ومافي الخط ومدرب=فأمان رب السما وحفظـه وتيسيـره
بشويش جتني المضيفه اربط حزامـك=دامك علـى متنهـا ياضيفنـا دامـك
شفني بربط حـزام السيـت قدامـك=سهلٍِ ولامنه خوف وشكـه وحيـره
فك الكوابـح مشـت ياربنـا ستـرك=وراشد عيونه ملاها الـذل مستـدرك
متى متي في مطـار القاهـره تبـرك=هلّـل وسبحـن ولحّقهـا بتكبـيـره
طارت كما الحر لاجا في السما حبارى=ماهوب يشبح يمين ويشبح يسـارى
من دون ماقد نوى مايبدي أعـذارى=مايشتكي ناقلـه ضعفـه وتقصيـره
سرعة صواريخ ناسا وأسرع شويـه=طلقه وشقة غـلاف الجـو عصريـه
في بطنها غير طاقمهـا ثـلاث ميـه=راكب وراكب شعور وصعب تصويره
الغيم من تحتهـا والشمـس تدفيهـا=وأرواحنـا كلبونـا معلقـه فيـهـا
تعطيك رغم اضطراب الطقس صافيها=ياسعد من يغتنمهـا فـي مشاويـره
وصلت لابو الهول وف مينائه الجوي=ياحلوها في الهبوط وياحلـو جـوي
سعادتي وماتمنـى وراحتـي تـوي=نوّ الفرح في السما لاحت تباشيـره
في صالة القادمـون الأمـن طاربنـا=جوز الجنيهات يوخذ مـن شواربنـا
ندفـهـا دف لا تكـثـر متاعبـنـا=واللي يبي راحتـه يرخـي دنانيـره
وفي موتر مايشيـل اثنيـن بالراحـه=ومايركبه واحد يدور علـى الراحـه
واللي مثلنا (خليجي مسافـر سياحـه=لكـن أبوناصـر وشـوره وتدبيـره
قلنا ياافندم علـى رمسيـس طوالـي=روّح لو انه صغير وزحمـه وغالـي
في ذمتي ماطرى غيره علـى بالـي=لو في ذرو المندره يعطوننا حجيـره
جيت الرسبشن وقال أهليـن ياريّـس=حسكنك في جناح انظيـف وكويـس
أحيا أمل واحد مـن حجـزه مأيـس=قـال الحـلاوه ياعـم ولـو بالليـره
في الدور الأربع طعش وفر لنا اوضه=واوضه معاها وجاي الفرش عالموضه
كنها من جنان رب المصطفى روضـه=يسعد بها الساكـن ويرتـاح تفكيـره
لبْس الربع لبسهم وأنا علـي ثوبـي=دوبي أفكك شناطي بغرفتـي دوبـي
صاح التلفون نستنـاك فـي اللوبـي=الراس خرمان ودوا الـراس تعميـره
حولت والنـاس مجتمعـه وفرحانـه=والقلب الأخضر مفتـح كـل بيبانـه
وين الظبا اللي حوالي العـد ضميانـه=وينك يامنه وحلا شيحـه وشاكيـره
متزقرتن ماأشـوف انسـان قدامـي=يسرق عيون العذارى حلـو هندامـي
طير ومن طيب فعلـه مخلبـه دامـي=ماكـل شيهانـة توصـل مواكيـره
سقت القدم يم أبو ناصـر وأبوهـادي=والجوّ ماهوب يوم ان جيتهم هـادي
خطوة مليك الجموع باسمـه تنـادي=أعيـر ذاك اهتمـام وذاك ماعـيـره
جلست معهم وكاس الشاي والشيشـه=أصبحت من كيفها طاير كما الريشـه
رغم الظلام ورغـم كثـرة خفافيشـه=محلنـا ماتلفـت فــي مسايـيـره
ساعه وثنتيـن لـي عبـدالله محمـد=اللـي تأخـر عـن اخويـاه متعمـد
شوقه لخفرع وخوفو جمـر مارمّـد=وصل وهلا مسهلا في طيب السيـره
بعد السلام وتحفّـي بعضنـا البعضـا=مابيننا اللي من الأوضـاع ممتعضـا
داخل نوادي الفرح والانبساط أعضـا=احساس تعجز بيوت الشعر تفسيـره
عقبه على أحمد عوض والكيف والدله=وفنجال أشقر مذاقـه يبـري العلـه
وقدوع تمر الحسا لـو تاكلـه كلـه=سكر طعمه ولو ان حباتـه صغيـره
ومنّه على كل فندق جلستـه عدلـه=زباينـه بدلـوا الدشداشـه ابـدلـه
اللي وصل يومها واللـي هنـا قدلـه=شعوب من كـل دار ودولـه وديـره
١٣ لـيـل والروتـيـن متـغـيـر=ماتسلم الجادل اللـي تلبـس قصيـر
والعوب وأم الغطـا ملعونـة الخيـر=اللي لها في الهوى قيمـه وتسعيـره
وفي مطعم الطابيه ياحـي هالطـاري=يامن تنشد عـن علومـي وأخبـاري
عينت بنت خلقهـا الواحـد البـاري=حتي الخفوق الحجر تحييـه وتثيـره
عيونها وحسنهـا وحلـو ابتسامتهـا=وشعرٍ كما الليل غطى طـول قامتهـا
بدر السمّـا ينحنـي قـدام هامتهـا=بنـات حـوّا كَلَتْهـن منّهـا الغيـره
من الخجل ماتحـط عيونهـا بعينـي=وأنا أشاور مـن الاعجـاب بيدينـي
أجيـك ولاّ يالبّـا قلـبـك تجيـنـي=قالـت تكلـم بـلا لفّـه وتـدويـره
قلت أولاً يامسا الاحسـاس والطيبـه=غيرك من البيض ولا السّمـر ماليبـه
ثقـل وجمـال ودلال ورقّـه وهيبـه=مهما اكبرت دنيتي من دونك صغيـره
قالت كلامك سحر لكن علـى هونـك=ماكل من رقق الـك لسـان مظنونـك
يابن الملوح أكيد احساسـك يخونـك=أمـوت ماصـرت للعشـاق آسيـره
أنا الهوى لوجرى فـي دم شريانـي=وتكاثروا عنـد بـاب القلـب خلانـي
ماقـرب الا أبـوي وباقـي اخوانـي=ولاّ حليـلٍ أبيـه وماأبـي غـيـره
قلت السّموحه وأنا يازيـن متأسّـف=مانـي بمتكلـم ومانـي بمتفلـسـف
وأبيك تدري على ماصـار متحسّـف=يالله عسى في صدودك يالغضي خيره
طلعت من هول ماواجهـت متضايـق=وسيده على غرفة الفندق مع السايق
كذاب لو قلت أنـا مستانـس ورايـق=هذي ظروف الزمـان وذي مقاديـره
هنا انتهت قصّتي واللي جـرى كلّـه=أوّل قدومي فـرح .. ونْهايتـه علّـه
يبست عروقي عقب ماهيـب مبتلّـه=وأمسيت عيني تحرّى شوفة الديـره [/poem]
.
وسامحونا على القصور