اخواني واخواتي اسف على التأخير
الغير مقصود فاليكم
هذه قصيده مسنده الى الشاعر/
حسن المسعودي اثر خلاف راي حصل
بيني وبينه على ابيات قصيده لي
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="double,4,gray" type=2 line=0 align=center use=ex num="0,black"]
حسين الحارثي
قم يانديبـي وإخـذ خـطٍ مـزرف=خـطٍ جديـد مغلـفٍ بالغـلافـي
نقلـه خفيـف ولالمثلـك يكلـف=في نصف ساعه روحتك والنكافـي
ووصله للي على الطيـب والـف=حسن ليا جاء في الزمان اختلافـي
مفّرِج هموم اللي همومه تـرادف=اللي حدته سنين شهـبٍ عجافـي
حسن زبون القاف للشعر مشـرف=شاعر وله وبصمات فوق القوافي
شاعر كبيـر وللشعـر ماتسلـف=شعره نظيف ومن رجـالٍ نظافـي
من لابةٍ منها العـدا دوم ترجـف=سقم الحريب ولبس للجنب ظافـي
قوم الكرم والجود من قدم تعـرف=قحطان دايم مكرمـت كـل لافـي
سلم عليه وصافحـه كـفٍ بكـف=وقله حسين يقول وش هالتجافـي
ترا حسين اصبح قلق وإمتحسـف=والشك له من بعض الاطراف حافي
ان كان جا منا خطا للخطـا صـف=عـده وعـد البينـه بإحتـرافـي
تقـدم بدعـواك ولدعـوتـك وف=وعد العلوم اللـي ثقـال وخفافـي
نبا انتصافا والتصافي إللي شـف=وعلى رجال العرف نبغى التصافي
أما طلع لك حق ويـزف لـك زف=والا عليك الحـق ويسـاق وافـي
الاوله مشكور من قلـب منصـف=رايك وقلتـه راي وافـي وكافـي
راي احترمه ولو للرايي مخالـف=كلٍ برايـه حـر والقلـب صافـي
والثانيه وشلـون للسـر تكشـف=من عقب لحف ياحسن باللحافـي
قصيدتـي قلبـي عليهـا تحسـف=راحت مابين ادراجكـم والرفافـي
والرجل باللي له وللنـاس يعـرف=يحفظ حقوق الناس من كل هافـي
ماينـدرق لوكـان فعلـه يسكـف=يبدي ولا اخطاء حلـه الاعترافـي
ياخذويعطي بالوفـا دون يجحـف=والصدق واضح والحقايق تشافـي
والثالثه رقمـي ليـا دق يحـذف=والا يـدق اليـن نفسـي تعافـي
مدري كبـر والا لعـرف تأسـف=والا نسى منته للاصحـاب جافـي
ترا الجفا عقب الوفا شي مؤسـف=والطيب عكس العيب فعله ينافـي
والشعر حنا له نطـوّع ونعسـف=نصخر بيوته ونعَسفهـا عسافـي
نسبح بحـوره كلهـا وإنتحـرف=ونشرب قراحه من بعيد المصافـي
وهجوسنا لازهـار ورده تقطّـف=قطف النحل اللي رعا الزرع حافي
شعـار لكـن وقتنـا مايساعـف=وهبوبكم تـذري عينـا السوافـي
واللي سواتـك للمظاليـم يسعـف=شاعر وناقد _لا_وحتى صحافـي
ان كان معك ملاحظه قدمنـا قـف=إشرح لنا ماكـان باطـن وخافـي
هذي حقايق مالهـا مـن محـرف=والحل عندك وانت رجـلٍ سنافـي
والخاتمه صلو على خير منصـف=عداد مـن صلـى بمكـه وطافـي
الرد من الشاعر/حسن المسعودي
سرياقلم فـوق الـورق واذرف أذرف=بنـات فكـري معتريـهـن شعـافـي
ولانـي بلايمهـن لاقامـت تشاعـف=خلج علـى بيـت القصيـد الخرافـي
دقت وراء حدب اضلعي ووقفت صـف=وحزمتهـن بغـلا السيـوف الرهافـي
وقلت اطلعي والنـور لابـان يكشـف=حتـى الزوايـا مظلـمـة لنعطـافـي
مـن بعـد ذا يامرحبـاً عـد مـا رف=بـرقٍ مـن القبلـه غدالـه إرفـافـي
بالشاعـر اللـي بالقصيـد يتحـلـف=مـر يتهـدد نـي ومــرٍ يصـافـي
يصّعـب الطـاروق لجـل إيتـعـرف=وانـا يعرفـنـي مقـامـي وقـافـي
مافيـه داعـي للعـتـب وشتكـلـف=مافيـه نـار اصـلاً تحـرك مطافـي
وحنا بعشرتنا نضـف العـرب ضـف=مانعـتـرف بالتفـرقـه والخـلافـي
وحنا بحسن الذكر ياحسيـن نؤصـف=فـي الجـار والخـوه وفعـلٍ يشافـي
وانتـم لكـم وقفـه وفعـلٍ يـشـرف=ولا علـى كــل القبـايـل مهـافـي
والبحر له شاطئ ومينـا ولـه ضـف=واكيـد تعـرف ساكنيـن الضفـافـي
ليتك تعف مـن آخـر العلـم وأعـف=مال النقـاش اسبـاب خلـك سنافـي
والعارفـه ياحسيـن ماهـو يـعـرف=مالك سوى خشمك لو انبـه ارعافـي
والشعـر عـده راهـيٍ مابعـد جـف=وعرّف رؤس اهـل الغتـر والكوافـي
يابانـيٍ بيـت القصيـده عـلـى أف=ويش مقصدك من غـزو أفٍ وآآفـي
انا علـى بحـر الغزيـرات واغـرف=وابشـرك تـراء الدعـاوي عوافـي
وان كان مقصودك تبا النـاي يعـزف=واللـي جفـا جفـاي مجفـي وجافـي
فحنـا نخلـي ساحـر الجـن يزحـف=ونقـراء عليـه ويعتريـه ارتجـافـي
ويخضـع لنـا بالطيـب ولا يكـتـف=وبنـات فـكـره نقتفيـهـا تقـافـي
وان كان عندك شيء لاتـدور وتلـف=يالحارثـي حـذراء تـعـود خـلافـي
وانا ماني بـدرق خويـي ليـا هـف=اوجهـه واعطيـه وصفـة مشـافـي
فن طاع ولاليـس انـا عنـه مكّلـف=باقول لـه مثـل مـا قـال النصافـي
وبعض السوالف دف وتعيـش بالـدف=وبعض السوالـف ماعليهـا اختلافـي
ياحسين لو مااوحيت بالصوت أجل شف=كلـم حمـد ولآ أتـصـل بالعيـافـي
وتعرف وضعي للتقى الحـف بالحـف=وتعرف ويش مفهـوم ملفـي إلآفـي
شبيت نار وقلـت لـك خـف وتخـف=والّحق حطبها ابو اليديـن الصخافـي
وانا ماجيت الّحـق حطبهـا ولا أهـف=حضـرت اقـول الله ياساتـر ياكافـي
ولقيت لك بين اربع اسطـور معطـف=كلمـه عسـاك العافـيـه والتعـافـي
وراعى الخطاء ماأنكف لو كف ماأنّكف=يبقى علـى رايـه يسـوق الضعافـي
وياحسين لامنها ادبحت من وراء طف=لاعـاد تلحقهـا السبـور الحـوافـي
وانـا رفيقـك فالـزمـن لاتـوحـف=سيـفٍ بـتـورٍ فـيـدك لاتخـافـي
وعـداد ماخـط القلـم بأأمـر واذرف=سـلام وقلـوب النشـامـا نضـافـي
حسن المسعودي [/poem]