البطلة : سندريلا السعوديه _ النعامة << أختي _ البقرة الجرباء _ الأم الحنون _ الهيئة<< الوالد_ نارجين <<< راعي البقالة الذكي
الموسيقى المصاحبه للفلم : موسيقى صووووت الشجر والسعف وهو يضرب بجدار بيتنا
نوع الفيلم : أكشن صريح بس فيه أشوي حزن وعويل
اللغة : العربية ( اللهجة القروية )
تقييم الفيلم : *********** << لو في أكثر من تسذا كان رزيت نجمات زووود
ـــــــــــــــــــــــــ ــــــــــــــــــــــ
الرجاء من الذي لم يبلغ من العمر 80 سنة المشاهدة<< رجاء لا أحد يزعل
7
7
7
7
7
لعنبوو داركم كلكم اللحين أعماركم ثمانين فما فووق أي هين بس
المشهد الأول تم تصويره بحوشنا << تدرون ليش لأننا غسلناه اليووم وصاير تقل قزاز يلق
زمونة : الله الجووو شاعري ويصلح للمغازل يالنعامه اشرايك ندق على راعي البقالة نغازله
النعامة : والله ماهيب شينه وبالمره يجيب لنا عسكريم بطريقه
زمونة : وجع مالقيتي غير عسكريم أبي أنا جوقلاطه أبي كت كات غندور وأبي أي عصير بنص
النعامة : يالثوره وش بك مقعطه على نفسك ترى هو بيدفع الحساب مو احنا بنطيح رويسه بالحكي الهندي
زمونة : يؤ صح خلاص قولي له يجيب كرتون أندومي بالخضار وإذا مافيه أبي كرتون عسكريم تويكس أبو ريالين مو يغشنا
النعامة : صدق أنك بنت فقر فشلتينا عيب
زمونة : مو انتي تقولين خذي راحتتس
النعامة : أقول دقي عليه وتكلمي هندي مكسر علشان ينبسط زود
زمونة: ******* <<< الرقم مشفر أغار عليه وش على بالكم
نارجين : ألوووو
زمونة : أهلين صديق كيف حال هي
نارجين : أهلاً وسهلاً أيش يبي من أنا ، أنا في أسمع قرقر واجد بهوش مال أنتم يعني خطه في فشل
زمونة : أخص يبوو هنود كذا ويهون عليك تتركنا نخطط ببلاش طيب كان ضربت الجرس وعلمتنا انك سامعنا << شين وقوة عين:)
نارجين : أحسن من حفر حفره لنفر دردب فيها <<<< دردب = طاح:)
زمونة: يالنعامه أفشلت الخطه كفشنا ابوو هنود مافيه لا بسكوت ابو نص ولا اندومي
النعامه : والله هذي من ثوراتك كم مره أقول لتس لاتعلين صوتك فضحتينا بالحاره:(
زمونة : خلاص خلاص أنا مش حأقول حاجة بعد اليووم برطمي وحا أرميه للتسلابه
المشهد الثاني : التصوير بمدخل الرجال << تونا مكنسينه زمان : <<<< لابسه برمودا ومركيه على الجدار وفاله شوشتها على كتوفها
أمي : زمان تعالي أحلبي البقرة أبوتس يبي حليب
زمونة : مر الحليب:(
أمي : وش قلتي ياقليلة الأدب
زمونة : قلت سمي يمه أنتي آمري وتدللي كم أبوو عندنا ;)<< من دون نفسالمشهد الثالث : التصوير جنب البقرة << علشان عيونها أوساع
زمونة : <<< متلطمه بشماغ وبيدها سوط وعقال <<حشى رايحه تقاتل مو تحلب
البقرة : شوفي يابنت اللذين والله أن ضغطتي بقوه علي والله أني بكف على خشتك أخليك تحرمين تقربين مني مثل العام
زمونة : أي هين بس والله لأربطك مثل السنة اللي رحت بعمود الكهرب وأحط عندك لافته تقول هنا موقف
البقرة : خلاص خلاص أنتي ارتاحي وانا بحلب عمري <<< بقرتنا خوافة
زمونة : بقر مايجووووون إلا بالعين الحمراء
أمي : زمان وجع كل ذا حلب ببقره أبوك يتدربى من الجوع وأنتي تتمخطرين
زمونة : جعلكم تتدربون معاه عاجل غير آجل<<< هالبنت لسانها طووويل
البقرة : عمتي زمان خذي هذا لليوم وباكر ممكن ما أشوف وجهك أسبوع
زمونة : ليش يالبقرة الجرباء;)
البقرة : أبي أحس براحة نفسيه وإلا ترى بنتحر مليت من خشتك ما أشوف غيرك
زمونة : لا تعورين قلبي أنتي أول وحده توقف معي وتقول أني أشتغل بجهد ومثابره
البقرة : بالله ماقلت ياجعل الثور اللي ينطحك أنت مثل قلتس ماتسوين شئ الا أنك تامرين فيني حتى التحضير تبين تمسكيني هوو
المشهد الرابع : التصوير فوق رجوووول الوالد
الهيئة : زمان ياجعل المغص مايتعداك ويينك
زمونة : <<<< تتزحلق بالدرجه دربج دربج الين وصلت عند الوالد المصون
الهيئة : وش تبا مني يا نوور عين أمي
الهيئة : تعالي همزي رجيلاتي أبي أرقد
زمونة : <<<< ماقالت شئ نطت فوق رجوله تقل خفاش
الهيئة : الله ياخذك وياخذ خشمك معك أشوي أشوي علي مصعتي رجيلاتي
زمونة : أي هين إلا أنت اللي تمصع بلد
الهيئة: وش قلتي << مسوي نفسه ماسمع مايحب الفشيلة
زمونة : أقول ياملحك يبه عندك سلف نص ريال أبي أرسل السواق لبنده يجيب لي علك
الهيئة : <<< يشاخر ما رد عليها
زمونة : <<< تسحب رجيلاتها بتهج من الغرفه
الهيئة : <<< مسك بشوشتها ورجعها
زمونة : يبه وش بك علي عندك النعامة شفها على شمالك تلعب بالاتاري << ياقدمها
الهيئة: أنا مايعجبني إلا تهميزك يابنيتي بس لو ربي يفكني من قمزتك علي
زمونة : الله يبه ياحلوو المدح منك ممكن تعيد كلامك<<< خشت جوو;)
الهيئة : كلي .... وهمزي وأنتي ساكته ماتنعطين وجهه
زمونة : -_- <<< أنكسر خاطرها
المشهد الخامس : التصوير بالمطبخ لأنه حوووووسه
زمان : <<< ترمي الدجاجة المحترقه الخامسه
الوالده الحنونه : ياجعل الكسار اللي يكسر ايدياتك وش مسويه بالمطبخ
زمونة : أسوي تجارب يعني وش اسوي ، اسوي لكم بلع بس ماقدرت
الوالده الحنونه : بعطيك مهلة ربع ساعة تغسلين مواعينك وتطلعين من المطبخ
زمونة : وإذا عاندت يمه وش يمديك تسوين<<< مسوية روحها شنب
الوالده الحنونه : أنتي سويها وشوفي وش يجيك
زمونة : <<<< تغسل المواعين وتغني هلي هلي هم سبايب علتي هلي هلي احرموني بسمتيوبعد مرور ربع ساعه
الأم الحنون : فكت فليت بالمطبخ وهجت<< يمديكم على هيك أم
زمونة : كح كح كح يمه ابي كمامات قبل أموووووووت<< متأثره بالافلام
الام الحنون : أمعصي أنا قلت لك ربع ساعه يعني ربع ساعه ولا من زين السوات تغنين فينا
زمونة : أتوب يمه افتحي الباب على الأقل:o<<< زمونة تتخبط في دماءها وتموت
THE END
نصيحتي لك فتاة عزباء عانس ببيت أهلها
1.لاتغازلين ترى ربي يقطتس بالنار
2.لاتحلبين بقرة تراها مهيب شغلتس
3.لاتطامرين فوق رجووول ابوتس اذا ماتبين خدودك تتحمر من ايده
4.لاتحوسين بالمطبخ اذا ماتعرفين الطبخ ترى المواعين بتكون عليك
5.الموت بشرف أحلى موووووووته يمديكم على هييييك موتات
وقبل الخاتمه أحب أبشركم أن شغالتنا باكر بتوصل للمطار من يستقبلها ،،،