السلام عليكم ورحمة الله وبركاته
اسعد الله اوقاتكم بكل الخير والمسرات دائماً وأبداً
يسعدني ويشرفني ان اجد لي مكاناً بينكم
وإنضمامي لكم في منتديات غرابيل ... ماهو الا وسام افتخر به كثيراً
اهديكم مصافحتي الاولى عبر قصيدة ( الحذية )
[poem=font="Simplified Arabic,5,black,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
مرّت سحابة .. وأمطرت في فضاء القاع=وإنهالت يدين البشر للحـذيّه
والراهب اللي فزّ من قبل الإشعاع=بيديه حاك خيوط ذيك الهـديّه
يسري مع الفانوس أو صوت مذياع=في واديٍ ما شاف بالحلم زيّه
مرّت سنه والفكر شاري وبيّاع=بين الحلوم وبين واقع ذويّه
قلت أتمشى بين ساحات الإبداع=وأرسم على الجدران لوحه غنـيّه
أمدّ شوفي دون حاجب وردّاع=ودون القيود وخافيات القضـيّه
وإن قالوا إني شاعر لكل الأوجاع=والله تراهم ما أخطوا القول فـيّه
مرّت سنين العمر تجري بالإسراع=تحمل خفايا العمر في كل طـيّه
خذت مجاهيمٍ تهاوت بلا قناع=وتجعّدت ملس اليدين النـديّه
وأنا تغازلني على القاع الأطماع=وأرفع مدى شوفي لربّ البـريّه
وأغتال حلم البارحة بين الأصباع=وأشوف نفسي ضمن ركب الرعـيّه
الرأي كانه صوّتوا له بالإجماع=وكلٍ وقف في ظل واو المعـيّه
فأنا حيادي غادي وصعب الإقناع=وعلى الدروب البيض سقت المطـيّه
إن كان ما نِتعِب صبانا بالأنفاع=باقي الحياة مساويٍ للبقـيّه
يا ويّ دربٍ حاوي سباعٍ جياع=ومن خارت عزومه فيصبح ضحـيّه
إيه أبتهل وأغرق عيوني بالأدماع=خوف ورجاء .. يا رب جنّه رضـيّه
ولو مرّت الغيمة وبلّت فضاء القاع=أرفع مدى شوفي لربّ البـريّه[/poem]