إشاااااعااااااااات .... تعالوا حطوا إشاااعات على بعض (( بدون زعل ))

[مفرح بن مناحي]

إخواني ,,,

نبغى كل واحد يطلع إشاعة على عضو في المنتدى ,,,

أي خبر مزيف ,,, يرفع الضغط ,,, يونس ,,, يبكي ,,,, أي خبر المهم يكون من تأليفك ,,,

بس بدوووووووووووووون زعل

مثال على إشاعة ,,,,

يقولون إن المقلع وأنا مجنونها فتحوا مطعم في أحد الأحياء الراقية في الرياض ,,

ومثل ما تعرفون الشراكة شينة ,,,

علشان كذا ,,, بعد ما شافوا أن الربح زين ,,,, قام كل واحد يبي يصرف الثاني ,,,, وبدأت النزاعات والخلافات بينهم ,,

والآن معاملتهم عند المحكمة ,, وينتظرون الحكم ,,,

المقلع يقول إنه هو اللي دافع فلوس المطعم ,,, بعد ما قسط ددسن هههههههه

==========================

هذا مثال على وحدة من الإشاعات :) أتمنى أن المقلع وأنا مجنونها ما يزعلون

انتظر إشاعاتكم ونصبكم على بعض ,,,

الله من النصب في رووسكم :)

تحياتي لكم

أخوكم / سهم المنايا

[أمل عبدالعزيز]

الله ياسهم هذا أللى قدرت تسويه؟

يعنى بدل ماتعلم الأعضاء عن اللى أنت مسويه فى عشق لال البارح

ولا لازم بما أنى مشرفة عامة واشوف أكثر من غيري <+=== قلبت زرقاء اليمامة على غفلة

المهم ياجماعة علشان بس يتوب من مواضيعه هذى فأنا أحب أعلمكم ترى سهم المنايا

مستلف من عشق ليل مبلغ وقدر (((((( سر)))) وناكره ولاهوب راضي يسدد وموب تسذا بس

منزل موضوع أشاعات روووووووووح ياشيخ سدد وبعدين تعال سوى مواضيع

<======== تحسون أنها حاقدة عليه؟ صح :D

هاه حلوة اشاعتى ولا أغير الموجة؟|545|

[مفرح بن مناحي]

ههههههههههههههههههههههههه ههههههههههههههههههههههههه ههههههههه

ههههههههههههههههههههههههه ههههههههههههههههههههههههه هههههههه

ههههههههههههههههههههههههه ههههههههههههههههههههههههه ههههههه

الله يرجك ,,,

من قال لك :(

مع إني قايل لعشق لال ,,, لا يعلم أحد ,,, لكن بعد ما عرفتوا ,, يبطي ما سددته :)

إشاعة حلوووووة بس لا تعودينها :)

سهم المنايا

[بحـــ ـ ـ ــار]

السلام عليكم ورحمته الله وبركاته




أخي ... سهم المنايا


يعطيك العافيه ياخي أنت مبدع دئمآ


على كل حال بعلمك شي بس بشرط مايدخل المرجوج



الانه بيزعل على الاني عملت بسالفه ...



المفروض أني ماعلم بس تعرفوني أنا ماقدر أمسك .......



سالفه ان المرجوج



خلاص برجع بعدين وعلمكم



يسلموووووووووووووووو

[المقلع]

:D



:D



أخوي سهم شكرا على هذا الموضوع الجميل....

أنا سامع أشاعتين...
والله ما أدري كان صدق او كذب...الظلم شين:D<<<الله الله يالمخلص الناصح:D


أنا سمعت ان بحار الخليج خاطب حساسه ويبي يتزوجها بس البنت رفضت بحار
والسبب أن بحار رافض أن حساسه تدرس بعد الزواج:D

وسمعت أن أبونوال وعشق ليل فاتحين مكتب عقار في حي السعوديه بالخرج
وناوين يفتحون فرع في حي العليا
<<<وين يالحبايب..المكتب الرئيسي في الخرج والفرع في العليا:D:D

هذا والله أعلم:D

أخوكم/ المقلع دوت كوم:D

[أبوعبدالرحمن]

مقلع الله يقلعك عن وجهي :(

الشرهه مهي عليك على اللي يعلمك سر



اسمعوا إشاعتي

أنا سمعت أن المقلع يقضي وقت فراغه في الشحاذه عند بيبان الجوامع

واحيان يبيع فصفص عند ملعب الملز

ويقولون انه في الصيفية يبيع بليله في كورنيش جده

هذا والله اعلم

وسمعت بعد إن ( يا تاعبني .. ) صاحب مطعم فول ومن كثر ما ياكل في الفول جاه

تخلف عقلي شديد يستمر معه ثلاث ساعات في اليوم وبعدها يروح التخلف وتبدا معه حالة استدلاخ تستمر معه الى اخر اليوم ............. اللهم لا شماته بس

هذي اخرة اللي يتكبر على القشطة

[المرجوج]

يسلمووووووووو سهم الاشاعات

عاد اخر خبر وتروه حقيقي مو اشاعة

الرهيبة صارت شريك رسمي لبيل جيتس

اماااااااااا عااااااااااااد من بياعة فصفص الى شريكة في ميكروسوفت

اما الخبر الثاني وهو موجود في نيويورك تايمز

المرجوجة ماعاد دخلت المنتدى لانها في المستشفى عندها عملية زراعة مخ

مرجوج جديد لان الاهل لاحظوا عليها نوع من الركادة الغير معتاده

نتمنى لها الشفاء العاجل مما اصابها من ركادة والله يردها لنا سالمة


مندوب منظمة مكافحة اشاعات المنتديات


مرجوج

|4||4||4|

[مفرح بن مناحي]

ههههههههههههههههههههههههه هههههههههههههههههههههههه

الله يرجكم كل هذي أخبار صارت وحنا ما ندري عنها ,,,,

لا الظاهر بتطلع سوالف جديدة ,,,,

يقولون إن الكايد وراشد والفهد وهمس المشاعر ,,,, بيطلعون بر الخميس الجاي ,,,

ومتقاطين من خمس تريل :) ,,,,

القهوة والشاهي وعزبة المطبخ كلها على الكايد ,,,, والرجال متورط وسرق لهم كم شغلة من محل أبو عشرة ,,,

وراشد عليه الخيمة ,,,, وبما أن الخيمة اللي عنده قديمة ,, جاب لهم كم بطانية وكم عصا مكنسة ,,, علشان يسون لهم خيمة ( على كيف كيك ) ,,,

أما الفهد عليه السيارة ,,, طبعاً جاب لهم ددسن غمارة بدون مكيف ,,, مدري وشلون بيتراصون في ذا الغمارة ,,, خصوصاً وأنهم كلهم من النوع الثقيل :)

أما همس المشاعر ,,,, جاب لهم بلاي ستيشن ( مدري ليه جايبها ) ,,, عن قولة أنه ما جاب شئ ههههههههههههههههههههههههه هههههههه

لا ومسوين فيها حقين عزايم ,,, يقولون من يبي يخاوينا !!!
اللي يبي يخاويهم على راحته بس تذكروا إن الغمارة :(

تحياتي لهم ولكم

سهم المنايا

[هـمس المـشاعر]

صراحة إشاعاتكم تخرع، أنا ودي أطلع إشاعة حليلة على قد الحال،


سمعت والعهدة على الراوي إن المرجوج عليه عين تقط الفيل من أعلى شاهق،

وسمعت بعد إنه يتغدى كل يوم مجاني عند المطعم اللي بجنبهم، لأنه مخوف صاحب المطعم إنه إذا ما غداه مجاني بيعطي الدجاج عين يصيرن كلهن حولان!!

لا بعد سمعت إشاعة قوية بالحيل والعهدة كذلك على الراوي، إن مخاوف قلب، ماسكة إدارة المدرسة اللي هي فيها، وإنهم ممسكينها أربع وعشرين حصة، وسبع حصص انتظار، ويقولون إنهم يمكن يخلونه تداوم في إجازة الصيف، أو تمسك محو أمية.

والإشاعة اللي دايماً تحكني إذني عليها هي:

إن سهم المنايا ما عاد يمشي إلا أربعين بالموتر، خايف يطلع له كلب آخر، ويقولون إنه كل ما مر من جهة صدمة الكلب، هبت عليه رياح الحزن، وبدأ يناشق، وتتقاطر هماليل الدموع، ولا ياصل بيتهم إلا عيونه يابسات من البكاء،،،، حرام والله.


لا والإشاعة الأقوى بعد:

يقولون إن عشق لال، جاه انهيار عصبي، وشو علشانه؟!

يقولون إنه جالس لحاله في الاستراحة والجو هادي، ومجيب راقد، وهبات النسيم تهفهف زي الألشطة، ما تسمع إلا طقطقة حروف الكيبورد، وأنواع الدعس والكتابة، فجأة، دخل عليه شخص يتسم بأن وجهه شبيه بالردمية، ويزعق بأعلى صوته، طبعاً عشق لال في ذيك اللحظة ماقال شي، بس انقلب على جنبه وقام يرفس، قشع الشاشة، وتعلقت أسلاك الكمبيوتر برجليه، وانصفر له ساعتين، طبعاً أبو ردمية، بغى ينسدح جنبه، لكن الله ستر، وهو يقول له: والله تراي أمزح، سعد وش فيك، ما هو وقت استهبال...

طبعاً لا تصدقون كلها إشاعات.

طبعاً معروفة سمة هالموضوع، الزعل ممنوع، والعتب مرفوع، والغضب مقشوع، وممنوع دخول اللي ما يفرق بين الكوع والكرسوع.

تحيتي وتقديري لمن ذكرت أسماءهم، ما ذكرتهم والله إلا لحبي لهم.

فهد.

[الأميرة الناعمة]

ههههههههههههههههههههههههه ههاي

اجل بحار الخليج يبغى يتزوجني نام و واحلم ق ق ق

طيب نبدا

سهيمان يقولون ان اهل الكلب رافعين عليه دعوووة و هو من التأثر كل يوم ما ينام الا و هو يبكي ق ق ق

عشق ليل مسوي فيها الفاهم و يوم سألوه عن قانون الجاذبية قال ما ادري ق ق ق

رخيبتووووووووووون مسوية فيها بنت ناعمة و هي ولد عربجي ما يسوق الا ددسن ق ق ق

الباقي بعدين




سوسي

[ابونوال]

ههههههههههههههههههههههههه هههههههههههههههههههه
ههههههههههههههههههههههههه هههههههههههههههههههههه
ههههههههههههههههههههههههه ههههههههههههههههههههههههه هههه
ههههههههههههههههههههههههه ههههههههههههههههههههههههه هههههههه
ههههههههههههههههههههههههه ههههههههههههههههههههههههه ههههههههههه


الله يرجكم كلبوكم واحد ورى واحد ايش الهرجه ووش هالااشاعات


مادريتو ان عشق ليل وسهم المنايا متهاوشين اليوم علشان الموضوع وانتم جالسين رايقين ويقولون والعهده على انا مجنونها ان فيه اطلاق نار واتطاردو على ددسن الرهيبه ودخل سهم المنايا المصانع الحربيه واخذ سفينه نوويه وعشق ليل اخذ غواصه ذريه

وانواع المطاردات في الهياثم وحي مشرف ومدري وشو الديار اللي هناك واخر شي حلها المقلع وعطى كل واحد











راس معسل فخفخينه


يالله انا بطلع انا مجنونها واقف عند راسي ويقول يالله قم وطف الكمبيوتر ابي انام

[راشـــــد]

[ALIGN=CENTER]لا إشاعة ولا شي



انا اقول لكم خبر صار امس



ونسبة صحته هي 0\ 100


يعني صحيح مية المية



وبدون راوي

هذا الموضوع صار قدامي



لازم اقول رغم انه موضوع حساس



يتعلق بيزيد


<<<<<<<< سامحه يزيد


اقول او لا


ياربي انا محتار


يزيد اقول او لا



ابي اقول والي يصير يصير



<<<<<<<<<< لاتزعل عليه يزيد



يزيد يقول لي امس انه


اكمل يزيد



ايه باكمل


يزيد قالي انه



ههههههههههههههههههههههههه ههههههه
ه














ههههههههههههههههههههههههه هههههههه

















ههههههههههههههههههههههههه هههههههههههههههههه

















سحبت فيكم







ههههههههههههههههههههههههه هههههههه


ماقلي شي


خخخخخخخخخخخخخخخخخخخخ[/ALIGN]

[مفرح بن مناحي]

ههههههههههههههههههههههههه هههههههههههههههههه

ههههههههههههههههههههههههه هههههههههههههههه

وش ذا الإشاعات

إن سهم المنايا ما عاد يمشي إلا أربعين بالموتر، خايف يطلع له كلب آخر، ويقولون إنه كل ما مر من جهة صدمة الكلب، هبت عليه رياح الحزن، وبدأ يناشق، وتتقاطر هماليل الدموع، ولا ياصل بيتهم إلا عيونه يابسات من البكاء،،،، حرام والله.
ههههههههههههههههههههههههه ههههههههههههههههه الله يرجك يا فهد

حسحس ,,, رافعين دعوة والا ما رفعوا المهم ابوهم مات ولا عاد بيرجع لهم :)

أبو نوال ,,,, الهياثم أجل ,,,, يحلفون إنك مقطع شوارع الخرج تقطيع ههههههههههههههههههههههههه ههههه ننتظرك :)

راشد ,,,, أقول علم بس وش قال لك يزيد ,,,, لا يهمك ما يزعل ,,, بسررررعة قول

تحياتي للجميع

سهم المنايا ( النمام ) :)

[الطير]

الــــــsـسلام عليكم

جاءنا من مصدر موثوق النبأ التالي : -

1 - جئنا أن عسيب المشرف على المنتدى العام سوف يترك المنتدى بكامله .. بسبب الظروف العائلية . ( 100 % )

2 - جئنا أيضاً أن الرئيسة سوف تحل محل عسيب في الاشراف على المنتدى العام .. وتترك المنتدى الاسلامي لطير الحب .

3 - سهم المنايا سوف يعقد صفقة مع شركة أمريكية عفواً سعودية بقيمة 10000000 مليون لتطوير منتدى غرابيل عاشق بالاتفاق مع الزملاء المشرفين و سوف يمول هذه الصفقة طير الحب ..

4 - وردني من مصادري الخاصة الرغبة بترضية المبتعد لظروفة الخاصة ( قول فصل ) ليكون مشرفاً على المنتدى الشعر .. والعهدة على الراوي !!

هذا مارودنا من الادارة ... لذا نود التنبية عليكم !!!

وشكررررررراً;)

[ابونوال]

سهم المنايا تصدق ماادل في الخرج الا شارع الثلاثين اللي فيه كودو ( وتطورت الخرج وصار فيها كودو ) وبعد ناسي وينه :)