يقـولـون أهـل المنتــدى يارفيـــع غن بالالحان
نبي نسمع قصيدة شعر فيها الحب عنواني
وقلت ابيات شعر واسمعوا ماني قطيع لسان
وفكر ي في دروب المرجله والعقل قدانـي
أنا حبي شريف ولا يجي في حبنا نقصان
أنا تبع العذارى يشهد المعبود ما أشقاني
أحب أهل الشرف وأحب درب الدين والقران
وأحب امشي على نهج الرسول وفعل الاركاني
واحب مرافق الطيب ولو بغالي الاثمان
على خوة هل الطالات أنا بالحيل شفقاني
وأحب المجلس اللي فيه ربع تبدع القيفان
قصيد وسالفه تنقال في ماضيت الازماني
أحب أرفع حجاجي وأنبسط لجوني الضيفان
ويفرح خاطر ي لن كان فعل الخير نادني
وأحب الصمت دام الصمت له معنى وله عنوان
ولا أرضى بالمهونه وأدري أن لساني حصاني
ومبغض للذي ينوي الردى في منزل الجيران
ولا أحب الذي يهرج بعرض فلان وفلانـــي
ولا أحب أطرد المقفي وأسمي طرته حقران
ولا عمري خبرت أن السراب أسقى لضمياني
وأحب العلم يوم العلم قصرا شامخ البنيان
وأعرف أن الجهل مبني بلا ساس وعمداني
وأنا ما لوم منهو حب قيل الحب له سلطان
ولكن الهوى فالجيل هذا صار مجــانــي
يقولون الرجال أن الذي يضحك على الثرمان
يجيله يوم يضحك بين ربعه ماله أسنـانـي
أخووووووكم ( رفيــــع الشان )