صباح الليل يا ليل ,,, مساء الصبح يا صبحي
>> صبحي سواق الباص حقنا والبيت الي فوق النشيد الصباحي له
علشان نوسع صدره ,,,
لأني والله أرحمه من تكفيخ يجيه وهو يسوق عاد هو مصري كان في الجيش
ويسوق الباص بالبدلة العسكريه المصريه ..
شوفو شكله يا حليله
7
7
7
تصدقون عاد إنه يبكش علينا يقول سمية الخشاب كانت تموت في دباديبي
ومنه شلبي تتصل عليه كل يوم ويعطيها سايلنت ,,
وحنا بالنبيطااات في قفاه ونحط علكه في الكرسي حقه معذبينه عذاب غير طبيعي
============
وصلنا في الجزء الأول عندي أنا وأصحابي شلة الأنس ..
صارت لي معهم سالفة في القهوة يبون يعلموني أشرب شيشة لأني بأبطل الحشيش
^_^
ولا يفوتكم صاخب وهو متكي يوريني كيف يشرب الشيشه
وعاد يتفلسف وينفخ الدخان من خشمه ويطلعه بعد من أباطه
ويقول الحشيش لعب في صحتكم أشربوا شيشه وإلا معسل بالحبحب
أخذت لي شفطه بسيطه وحسيت الأرض تلف بي وأخذت الثانيه وراحت الأرض
سيده سيده وتلف يمين <<< وين رايح أنت
وراسي ينتفخ ينتفخ ينتفخ إلين بغا يطق راسي ينفجر ..
ويغمى علي من الشيشه ..
أخوياي السرابيت يحسبوني ميت قالوا كيف ألحين نقول لأهله يتهمونا بدمه ,,
قال حبيليص النيص وش رأيك نلفه في بطانية ونحذفه في المحرقه ..
وبعدين نجحد إنه خوينا >>>> مافيهم خير الوصخين ..
المهم طبقوا خطة حبيليص وودني للمحرقه وحذفوني هناك وراحوا ,,
بعد كم ساعه صحيت أحك راسي وأشم ريحة شينة وأتلفت
لقيت جنبي ( قطو ) يطالعني ويضحك
7
7
قلت وش فيك تضحك
قال أنت منين جيتني وأنا أدورك من سنين طوال
تذكر القطو الي كنت تحذفه بنعالك وقصيت ذيله وصبيت عليه موية حارة
,,,
قلت أيه أتذكر !!!!
قال هذا أنا وراح أحووسك وأكرهك إنك إنسان ,,
قلت لا لا الله يرحم والديك والله ما عاد أعودها وبعدين لا تصير مع أخوياي الوصخين
ضدي ..
جحدوني وأنا صاحبهم ..
ثم دمعت عين القطو وقال أبشر بأساعدك وأدلك وأوصلك بيتك بس ما عاد
تتعرضني وتسوي معي معاهده ,,
قلت تم ..
ووصلني للبيت وودعني وعطيته هديه فخذ دجاجه كنت مخبيها لحبيليص
وبعدين تركت شلتي هذول وسحبت عليهم ورحت أدور شلة جديده
بس عاد من الشلل حقين ( الهاي هاي ) شباب الكووول
وعلشان أدخل عالمهم لازم أسوي كدش وألبس طيحني وأخربها
وما قصرت في نفسي نفشت الشوشه بأستشوار ولبست طيحني ومعي
راديو جدي مسوي فيها إني حق ( الهيب هوب ) وأني أعرف أرقص
ودورت إذاعة تجيب أغاني مايكل جاكسون ووقفت في شارع التحلية
وقمت أرقص وأسوي حركات ,,
وقاموا يصفقون لي ويصفرون ومبسوطين ويقولون بصوت عالي ( يس مان ) ( يس مان)
وأنا أقول لا أسمي بندر أسمي بندر
وبعدها حسيت إني بأطلع حتى حليب أمي من دوخه جتني ..
ووقفت عن الرقص وقعدوا يهتفون لي وأنا ما أشوفهم وكبدي تحوم
وصاروا يطلبون صداقتي وكل واحد يكتب لي إيميله والثاني يعلمني بالدردشة الي
يدخلونها ناس ناس حركات ..
مو شلتي الأولى حتى البياجر ما عندهم وإذا صاحبني يكوي يدي بالسجارة على باله
إنه رباط صداقه ,,,,
=================================
إلي اللقاء يوم الأحد القادم إن شاء الله ,,,,,