(1)
أظن أني قليل الحظ
مع الاحباب
مالي درب
وكل ما انسج القصة
طواها خل
قاسي قلب
*******
انا اش سويت يا ياروحي ,,,
حتى تكثري أظنونك
حتى الشك نبت حسرات
ولا فيه كلمة من التأنيب
الا وفيني قلتيها
وادرايها بحنين و نبض
واسكت
واغص انا الكلمات
واقول الشوق
بيمحيها
وارد وارسل لش الوردة
ترد والشوك نبت فيها
واناظرها
وانا متعب
********
بعد صرت تسلاية؟
أو وحدة تحب الاحزان ؟
واكون انا الي ظالمها ؟
وتنسج حرفها بالليل
تتظلم على الجفوات
و اتعد مني الهفوات
ويا ويلك ويل
لو انك تراددها
وانا والله بس انسان
يبي منها
صفاة الروح
وبسمة وبوح
وما باشرط
ولا اطلب
***********
عسى ما شر؟
غبي ؟
مجنون ؟
و هذا حصة المفتون ؟
وانا الي في هواه مغتر
وخمنت
بانسى الأشقر
يوم اني جهلت اللون
وتجاهلت حبي الأخضر
وعفت ذكرى سكنتها اسنين
وهمت بطيفك الاسمر
وخنت الوقت
وكل فني
وسكنتي عيني ودمي
و تفكيري طغى في دنياك
وصرت بفراشي اتقلب
********
حسافة
ننهي القصة
ومن ظنك الف غصة
حملها صدري المجروح
و كتمها صوتي المبحوح
ومن يضمن وشـ الي جاي
وهذا واحنا فوق الماي
ما غصنا تفاصيلك
ما شفنا بعد ميلك
أظن الخافي
اتسرب
*********
أنأ أتهرب؟
لا يا ستي
ما أتهرب
أنا أخشى عليك اللوم
وأعرف نفسي
اذا مظلوم
وما ابغي انا اصرخ
واقوم بغبنتي أجرح
ببقى باحترم حبنا
فخليني انا بارضخ
بواقع زيّف الاحكام
ولا تسألي عن الآلام
عسى تنسيني الأيام
ذكرى حبك
الأعذب
**********
قبل لا تخلص الكلمات
ترى اخر كلامي
آه
صعبة انهي الموضوع
وصعب مني ترى لدموع
ولكني ببكيها
عيني يا نظر عيني
بكت لجلك بلا ويها
فأنا أرجوك لا تبكي
وشطبيني بلا توديع
(ترى ما احتمل تلويع)
و لاترسلي بعد اعذار
ولا الصادر بيرد اخبار
ترى انت الي قلتيها
في أمان الله
قلتيها
واقلك في أمان الرب
**********
[align=left]
(2)
وش ذنبي إذا مريت ؟
وأنا مغمض أعيوني
وناوي والا مو ناوي
أهز أعصاب هزوني
أنا أخطيت ؟
أسف والخطأ مرفوع
وإذا كررت ذبحوني
يا كم حبيت
وكم خبيت
وكم داريت بجفوني
ولقيت أن الحفر في الأرض
بعود أسنان
حماقة متأصلة فيني
أسد ظاهر
بروح أرنب
**********
ومن الي خانته العزة ؟
وتجرأ
وقال فيك أكثر
أظن للحب فذ أصناف
يغربل بوحةٍ تغتر
أنا أتأثر
وعلى بوحك أنا
اتنثر
مثل ملهوف العطش والماي
لقى بركة
وصدم مرمر
وخلاني على الحسرة
يقطر من هواه
بالذر
ويسقيني
ولا يشرب
**********
لو ما ترتعش روحي
و يصافقها حنين الشوق
لو بس نقسى هالمرة
وننسى طيفها والدرب
ونتغلب
على سراديب أنطوت فينا
و توارثنا رحيق الحب
ونتغاضى على الي صار
كنا عشنا أبراحة
ولكن ضعفنا باين
هلكنا في قرار
أصعب
**********
لو تعبر سحابة صيف
وفيها نسمتك والطيف
وتذكرني بحنين أول
ونتلاقى على الأجمل
وتلمع نجمتك قربي
بتلاقي لهفتي والهيف
و حبي باقي ما تبدل
لو تعبر
لأخلي الشمس ما تطلع
لو تعبر
لا أخرف لش في الشتا
أرطب
************
وأحايل نفسي وأتردد
وأقول صعبة تتباعد
صعبة تنتهي العشرة
بتقتل داخلك انسان
بتتلوى بعد لفراق
وبتمسي وعيشتك قشرة
وعيون تدمع المشهد
وحيد وحايس ابروحي
أشهق والله وأتنهد
وأفاطس في بحر الأحزان
محد مد لي يده
ولا كتفي احد
طب طب
***********
في ويل و ويل
يا سكر
بعادي في غصةٍ تقهر
والله ما انا اتنكر
ولا عمر الأصيل أغتر
ولكن هيمت الأحزان
و خنقني حظي والحرمان
أنا مغصوب مو مضطر
تباعدنا الغيرة و الأزمان
وصار وكان
درى بحبنا بقايا انسان
وفرض رايه مثل بركان
يثور ويحرق الأخضر
زمن وأنا أتحذر
و أدراي حبنا بالبوقة
وجاني يوم غفلت عنه
وساورها صنوف الشك
مثل شيطان يمطر شر
رسايل حبنا ذابت
تدخل في بعاد اثنين
وحلف ما يرجع الكره
وبقيت أنا ضحية لوم
من الصوبين مالي أعلوم
كل من ينهش بلحمي
واحد قال انا خاين
والثاني قال فيني أكثر
وبديت بوحدتي مسروق
في ذاك الصوب إذا تذكر
انا والبحر محروق
وصمتي والله أتشعب
*************
لهمس الصوت
تباريح أكتبت حبنا
و مبحوح النغم تعبان
مثل نهام الألم والزيف
ولا صيفي غدا بالحر
ولا الماية ردت الي راح
وضعت وضاع مركبنا
يلاطمنا السهر والموج
وعام وعام
وست أعوام
ما غير الحزن قدام
نلحقه ما يلاحقنا
ويوم أن شقى بروحه
قرر ما يسامحها
قرر يعصي أجروحه
ويصب فيها القهر والزيت
ويبتر كل خلايا الطيف
يمحيها مثل سكران
محى عقله بقرار أهوج
لعل المخطي
يتأدب
في أمان الرب
في أمان الرب[/align]
رد مع اقتباس
