بلير وبوش
--------------------------------------------------------------------------------
[
B]بلير وبوش[/b]
هذه محاورة بين بلير وبوش قبل احتلال العراق
بلير :
الله لايجزيك بالخير يا بوش ورطتنا في حرب صدام ورطة
عزمتني وتقول بترول وقروش بس الحقيقة روحتي معك غلطة
بوش:
يا بلير رد العلم عن بوش بن بوش الله خلقنا للمقاريد سلطة
وأبوي عنده للرجاجيل دنبوش كم واحد شلن فلوسه ونفطه
بلير:
أبوك والنعمين مير انت مربوش تموت بالبترول وتحب شفطه
صحيح عندك مال وسلاح وجيوش مير أتوقع لك تدهور وسقطه
بوش:
يابلير كأنك خفت يوم احتمى الهوش حرام ما تاخذ من النفط نقطه
قبلك ترى شيراك راح مكروش شوفه كل يوم يصرح بمحطه
بلير :
وراك ماتعطي لشيراك عرموش تراه مشغلنا بشيله وحطه
ليا انتهى موضوعنا نرسل طروش ونجمع المبلغ من الربع قطه
بوش:
شيراك هذا عنده الفكر مغشوش فرط علي في مجلس الأمن فرطه
يدزه اليابان والصين ويطوش ومجهز الفيتو لتحقيق شرطه
بلير :
يا بوش انا مرهق وخايف ومدهوش وانت تقول الحرب خدعة وخطه
أسراري وأسرارك امتلأ منها الحوش عز الله صابني منك جلطه
بوش:
ما قلت لك في إذاعات ودشوش لا تكشف المعنى وأنا أقول غلطة
قالوا عنا علوج وأصحابنا جحوش ما همنا الصحاف واللي يحطه
منقول