[align=center]هذي صورهـ طلب أن يكتب عليها ابيات..
أتت هكذا .. والعذر كان الحرف قصّر..
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياقبر تكفى بس نظره وباروح = والله مآبي ياقبر كود نظره
بشوف من كفه تشافي لي جروح=وأهلّ فوق الكف ياقبر عبّره
وأهمس لها وش صارفيني من تروح=واقول عقبك صرت ياياه عِبره
آخذ كتابي واسمع الدرس مشروح= واكتب ودمع العين ياياه حبره
واليا نتهى يومي على قبرك اروح=ساقتني اقداري على غير قدره
ابكي على قبرك بدمعات ٍ تفوح= من ضيعتي عقبك ومن قل دبره
ياوين ابلقى صدر ياياه مفتوح= تروى العواطف منه واطيع لامره
ولاَ ذراع ٍ يحتويني من النوح= لاصابني من عارض الوقت حسره
وياوين ابلقى قلب طيب وساموح=لاخطيت يحميني بقلبه وعمره
ويقول ماسوّا وتصبح لي دموح= من شانها تدمح لنا كل عثره
واللي علي ّاليوم بعلّم الروح= لاترتجي من باقي الناس نظره[/poem][/align]