السلام عليكم ورحمة الله وبركاته
هذه ابيات شعريه كتبتها ام ثكلى على ابنها
الذي ماتت في قلبه الرحمه بعد ان رماها ابنها
في دار العجزه ونسي كل شيء فعلته امه معه
وكتبت هذه الابيات المعبره المبكيه ..
أترككم مع القصيده
[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="groove,6,purple" type=2 line=0 align=center use=sp num="0,black"]
وين أنت يا حمدان أمـك تناديـك = وراك مـا تسمـع شكايـا وندايـا
يا مسندي قلبي على الدوم يطريـك = ما غبت عن عيني وطيفك سمايـا
هذي ثلاث سنين والعيـن تبك= ما شفت زولك زايـر يـا ضنايـا
تذكر حياتي يـوم أشيلـك وأداريك = والأعبـك دايـم وتمشـي ورايـا
ترقد على صوتي وحضني يدفيـك = ما غيرك أحدٍ ساكن فـي حشايـا
واليا مرضت أسهر بقربك وأداريك = ما ذوق طعم النوم صبـح ومسايـا
ياما عطيتك من حنانـي وبعطيـك = تكبـر وتكبـر بالأمـل يـا منايـا
لكن خساره بعتني اليـوم وشفيـك = وأخلصت للزوجه وأنا لي شقايـا
أنا أدري إنها قاسيـه مـا تخليـك = قالت عجـوزك مـا أبيهـا معايـا
خليتني وسط المصحه وأنا أرجيك = هذا جزا المعروف وهـذا جزايـا
يـا ليتنـي خدامـة بيـن أياديـك = من شان أشوفك كل يوم برضايـا
مشكور يا ولدي وتشكر مساعيـك = وأدعـي لـك الله دايـم بالهدايـا
حمدان يا حمـدان أمـك توصيـك =أخاف من تلحق تشـوف الوصايـا
أوصيت دكتور المصحه بيعطيـك = رسالتـي وأحروفهـا مـن بكايـا
وإن مت لا تبخل علـي بدعاويـك = وأطلب لي الغفران وهـذا رجايـا
وأمطر تراب القبر بدموع عينيـك = ما عـاد ينفعـك النـدم والنعايـا [/poem]
لاحول ولا قوة الا بالله
تحيتى لكمــ
كاسب العز