أخواني أعضاء غرابيل الكرام
بعد انقطاع ليس بالطويل أضع بين أيديكم هذه المتواضعة
قيلت هذه القصيدة بمناسبة تمايم فراج بن خالد بن ثامر السبيعي وفيها ذكر لشايبنا عبدالهادي بن قطيم (جدّ المولود) الذي لن نوفيه قدره مهما قلنا وقد كان أول لقاء له مع الوالد ثامر بن سلطان رحمه الله قبل ما يقارب الستين سنة عندما كان الوالد أميراً في سلوى.
تمهيد
(إذا كتبت المديح فلن تشعر بالرضى الداخلي يغمرك إلاّ إذا ذهبت القصيدة إلى من يستحقها)
ياجمال الشعر
[poem=font="Simplified Arabic,5,black,bold,normal" bkcolor="transparent" bkimage="" border="double,9,gray" type=2 line=1 align=center use=ex num="0,black"]
ياجمال الشعر لامنّك نويتي بالسفر = اتركي كل المرابع واقصدي روض الامير
روضه اللي مع تباديل الزمن دايم خضر = ما تغير لون عشبه لو يصير اللي يصير
لا يجنّبه السحاب ولا يفارقه المطر = كل ما وسطه تهيّا للصغير وللكبير
ذاك ابو ضيدان شيخ المرجله لامن حضر = ذا عقيد القوم رايه مثل توجيه الوزير
الكريم ولو غزاه الضيق يعطي ما ذخر = الحكيم وحكمته مثل الجبيره للكسير
كم تحمل في حياته ما يضيق ابه الصبر = ما تعقّد له حجاج ولا تغيّر له مسير
عوّد عياله على كسب المراجل والظفر = واطلعوا مثل الذيابه في زمان(ن) مستطير
اعذروني يا جماعه كيف انا بمدح بحر = ماله احدود(ن) تحدّه صافي وموجه غزير
واذكروا وقت(ن) مضى حدّ السعوديه وقطر = يوم في سلوى تلاقوا وابتدى شيّ(ن) كثير
كان ابو سلطان فيها كلمته تمشي أمر = جاه ابو ضيدان في هيئة غلام(ن) فيه خير
عقبها صفّت مزون الطيب والغيث انهمر = مرجله حبّ ووفا واخلاص ما مثله نظير
لاجلسوا في مجلس(ن) همّ الليالي يندحر = جابوا اعلوم(ن) تخلي القلب من شوقه يطير
كننا من زين مجلسهم على سطح القمر = نمتلك كل الكواكب ما يخاشرنا خشير
ذا وانا من عقب عيد الحج أسعدني خبر = انشرح صدري لذكره حيل وارتاح الضمير
افرحوا يا كلّ ربعي وابتهج يا بوعمر = يوم جاك اللافي اللي جيّته مثل البشير
جاك فرّاج الصغيّر يا عساه اليا كبر = يستنير بنور خاله سعد منهو يستنير
لو سألت الطيب ردّ العلم في رمشة نظر = أشهد ان فرّاج نادر أشهد ان فرّاج غير
يا معاني الشعر شدّي لا بوادي لا حضر = اتركي كل المنازل واقصدي بيت الامير [/poem]
أخوكم / عبد الرحمن ثامر