{ أيآمي } .. بعد التخرج

[روحي شماليه]

بسم الله الرحمن الرحيم ,,

..{ مابنكسر صابر لو فرصتي تمضي ..
والحظ لو عآثر بأصنع أنا حظي ,,





مس/Comورد وياسمين ..

بعد تفكير عميق < أعمق من الآبآر الارتوازيه:مزون:
قررت أكتب موضوع ولأني من زمآن ماكتبت بحكم أن العائله كلها تكتب بإسمي في المنتدى < مسويه وقف خيري بهالأسم :مزون:
والحمد لله ان القرار مايحتاج توقيع او ختم أي جهه رسميه عشان أنزل الموضوع والا كان إعتزلت النت < أخلصي طيب..

بأهذر لكم عن أيآمي المريره مابعد التخرج ,, طبعا تخرجنا السنه اللي طافت وبحكم ان أهلي حفظهم الله ورعآهم يرآعون مشاعري يوم أعآني بقومةالصبح للدوام قالو هالسنه رآحه مافي وظيفه ..:مزون:

وحالتي حاله كأني شآيب متقاعد أذيتهم أذى < كل شيء بنظام,,

وطبعا رمو على عآتقي مهمة تدريس البزارين < أخواني

ويالييييييل ماطولك ,, من بعد صلاة العصر والعصا بيدي :مزون:

وهاتك ياكتاب القراءهـ وراه الرياضيات وأكبر طآمه الاملاء
< عذبتهم بالاملاء لو فيه حرف مغير مكانو عطيتهم جزاء عشر مرات يكررونه :مزون:

مسآكين هالبزران طلعت نخل بروسهم < يدعون علي ويقولون ياليتها ماتخرجت ,,
< محد قالهم يقعدوني بالبيت يستاهلون
لآ وفوق هذا كله صايرين يرمون علي كل شغله بالهامش
يقولون وش عندك لاشغله ولامشغله ,,
حتى جدتي الله يحفظها كل ماشافتني قالت أكل ومرعى وقلة صنعه ,, < تطنز هالعجوز :مزون:
يعني هالحين 16 سنه من مسيرة العطاء راحة مع الريح ,,< هين بس أتوظف وأوريهم إذا مارفعت خشمي عليهم ,,

وفوق ذا كله دمجت بين التدريس والسباكه والطبخ كل شيء بالبيت لي جزء منه
وكل هالمعانآه بكفه والتطفيره بكفه ثآنيه دئلتدئلت

عقب العزايم والفزعآت صرنا نطر العشرهـ والعشرين دئلت

مافي فرق بيني وبين البزران اذا طلبو ريالات العصر غير انهم يطلبون ريالات وانا اطلب عشره ,,
صآرو يتمننون علي فيها عقب العز ,,
ولامره سويتها نذاله أح ــد أخواني يبيني أكمل دفتره قلت ما أكمل لك الا بشحن < إبتزاز
المهم كتبت لين أحس أصابعي تورمت من الكتآبه ,, وتسطير وألوان وحركآت بالدفتر ,, يوم جا اليوم الثآني معصب < كفشه الاستاذ وقاله الدفتر ينعآد بخطك تفهم ..
< كأنك طولتي ,,لا بأخلص الحين

يعني تخيل نفسك إنسآن فاضي ماعندك دوام ولاهوايات

وش بيكون شعورك .؟ < ماتحس انك دلخ وضايع ,, والا هندي مضيع محفظة الفلوس
تعجز المشاعر عن وصف هالشعور القآسي والمرير,,



* هذه بعض من خربشاتي أضعها هنا فأهلاًوسهلاً بمن سيزور صفحتي قارئاً كآن او مشآركاً...

لو تنثر أحلآمي بأرجع أرتبها..
ولو تصعب أيآمي بعيش وماأحسبهآ}..

لكم ودي ووردي وآسفهـ ع الإطاله,,
روحي شمآليه

[دفنت قلبي ~]

ههههههههههه


والله انك تحزنين طيب ماينفع تكملين عني دراسة
ان شاء الله تتوظفين يارب


تحياتي

[روحي شماليه]

أي البارووونه ,, ميخالف أكمل
بس تكونين رابع ماعندي استعداد أعيد من أولى ,, < هع>
نورتي صفحتي بمرورك ..

[صالح الروقي]

ههههههههههههههه

ياعقوبة البزارين منك

حتى في الفلوس مشغلتهم

طيب اذا طلبوا فسحه تطلبين انتي بعد :)

والله هالطفش هذا مبروك
اللي خلاك تعصرين مخيخك وتتحفينا بها السواليف الزينه

لكن طالبك ترفقين على البزارين
ترى المذاكره ترفع الضغط
اسألي مجرب ايام زمان

روحي شماليه

الف شكر لك على الموضوع المميز

تحياتي

[عاشق الفروسية]

الله يرزقك بالوظيفه وبن الحلال الي يسعدك

[روحي شماليه]

ههههههههههههههه

ياعقوبة البزارين منك

حتى في الفلوس مشغلتهم
طيب اذا طلبوا فسحه تطلبين انتي بعد :)
ربي سلمهم مني لأني نايمه الصبح والا كان نشبت بحلوقهم <

والله هالطفش هذا مبروك
اللي خلاك تعصرين مخيخك وتتحفينا بها السواليف الزينه
والله مرورك الأزين
لكن طالبك ترفقين على البزارين
ترى المذاكره ترفع الضغط
اسألي مجرب ايام زمان
أكييييد لك مآضي أسوود
روحي شماليه

الف شكر لك على الموضوع المميز

تحياتي

صالح الروقي .. مرورك الرائع .. لاعدمنآك

[غلا أبوها]

روحي شماليه يالب قلبك وأنا أختك

الحال من بعضه انتي تدرسينهم بعد العصر أنا من بعد المغرب أبدا بالتدريس

وعندي شروط الي أسمع له الدرس يجيني حافظ مو يكلج آآآآآآآآآآآآآآآآآآآآآ وبعدين

يتذكر والأملاء تفاجأت بأخوي الصغير انه يكتب بالحركات وانا أقوله ياشيخ مو لازم

حركااات <<<<< امحق مدرسه

والأنجليزي ذبحني أخوي الي بالمتوسط ميح مدري وش يسوي بالحصه

وبعد ماخلص تدريسهم يرحون البقاله يشترون لي

قبل شوي عطيت درس وراح طالب يجيب لي بطاقة شحن بهني الناس بالعام الجديد خخخ



أما الفسحه كل يوم 10 ريال ومكافأت 50 ريال اذا حن علي أبوي أمس فجأه حضني وعطاني فلووس

ولا المطبخ كووووم ثاني يشتكي مني ضيعت علبة الكمون وطبخ الله يخلف علي

توني أتعلم وأحوووس وياليت طلع معي طبخ صاحي

وأخوي الكبير يطقطق علي يقول غلا لقيت لك وظيفه وانا قال انتي ماودك تتوظفين
قلت ايه قال وأنا أخوك خذي لك بسطه وابسيطي مع الحريم بسووق هههههههههههه

ههههههههههههههههه

ماصدقت على الله حكيت قصة حياتي خخخخخخخخخخ


مشكورة يالشماليه على هالموضوع

ولا عدمناك يالغلا

[روحي شماليه]

الله يرزقك بالوظيفه وبن الحلال الي يسعدك

عاشق الفروسيه,,
ـآمين ,,للجميع يارب ,, عطرت صفحتي بمرورك ,,

[روحي شماليه]

روحي شماليه يالب قلبك وأنا أختك

الحال من بعضه انتي تدرسينهم بعد العصر أنا من بعد المغرب أبدا بالتدريس

وعندي شروط الي أسمع له الدرس يجيني حافظ مو يكلج آآآآآآآآآآآآآآآآآآآآآ وبعدين

يتذكر والأملاء تفاجأت بأخوي الصغير انه يكتب بالحركات وانا أقوله ياشيخ مو لازم

حركااات <<<<< امحق مدرسه
ههههههه ماعليك منهم خليك شديده معهم ذا مستقبل مو بلعبه<:مزون:

والأنجليزي ذبحني أخوي الي بالمتوسط ميح مدري وش يسوي بالحصه
زين بالمتوسط أجل انا وش تقولين بالثانوي ومايعرف يكتب تو بالانجلش يكتبها مشقلبه :مزون: لو أصور لك خطه تموتين ضحك


وبعد ماخلص تدريسهم يرحون البقاله يشترون لي
اي بهذي أتفقنا لازم بالعصر نشتري تشكيلة شوكلاتات,,
قبل شوي عطيت درس وراح طالب يجيب لي بطاقة شحن بهني الناس بالعام الجديد خخخ



أما الفسحه كل يوم 10 ريال ومكافأت 50 ريال اذا حن علي أبوي أمس فجأه حضني وعطاني فلووس
الله يخليه لكم ..

ولا المطبخ كووووم ثاني يشتكي مني ضيعت علبة الكمون وطبخ الله يخلف علي
ههههههههههههه ياحليلك
توني أتعلم وأحوووس وياليت طلع معي طبخ صاحي

وأخوي الكبير يطقطق علي يقول غلا لقيت لك وظيفه وانا قال انتي ماودك تتوظفين
قلت ايه قال وأنا أخوك خذي لك بسطه وابسيطي مع الحريم بسووق هههههههههههه

ههههههههههههههههه

ماصدقت على الله حكيت قصة حياتي خخخخخخخخخخ


مشكورة يالشماليه على هالموضوع

ولا عدمناك يالغلا

غلآ بآبآهآ,, نورتي صفحتي بردك وعئبال ماتبشرينا بوظيفتك ونحس انه لنا مكآن بالمجتمع < لايكثر:مزون:
لآعدمنا هالطله يالغلآ,,

[معلم علوم5]

الله يوفقك اختي
وتحصلين الوظيفة
ولما تتوظفين كل اهلك بيخلونك فوق النخل

[لطلتي هيبه]

ههههههههههههههههه
يابعـــد عمري..
الله يزقكـ كل ما تتمنيه وكل مسلم ومسلمه..
ســـــــــلمت يداك..
دمتي غاليتي بحفظ الرحمن..

[سديم الفجر]

الله يرزقك الوظيفه عن قريب يارب
وعاااادي حلو فتره بعد التخرج بعد الوظيفه بتقولين يازين ذيك الايام عن تجربه
جلست سنه بالبيت نفس حالتك هههه بس ربك كريم

[روحي شماليه]

الله يوفقك اختي
وتحصلين الوظيفة
ولما تتوظفين كل اهلك بيخلونك فوق النخل

والجميع يارب,, شاكره لك مرورك.

[روحي شماليه]

ههههههههههههههههه
يابعـــد عمري..
الله يزقكـ كل ما تتمنيه وكل مسلم ومسلمه..
ســـــــــلمت يداك..
دمتي غاليتي بحفظ الرحمن..

نورتي صفحتي بمرورك ,,شراسة أنثى دمتي لي بحفظ المولى,,

[روحي شماليه]

الله يرزقك الوظيفه عن قريب يارب
وعاااادي حلو فتره بعد التخرج بعد الوظيفه بتقولين يازين ذيك الايام عن تجربه
جلست سنه بالبيت نفس حالتك هههه بس ربك كريم

ليتك ترضى,, تسلمين على مرورك
من ناحية الراحه اي الحمد لله,, ونآسهـ مع شوية ملل
دمتي لي,,