سلام عليكم ورحمة الله وبركاته
اسعد الله جميع اوقاتكم....واليكم هذه المتواضعه وارجو لها القبول
[poem=font="Simplified Arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لقيت فالمقناص متعه واناسه=يطرد غثا الايام والهم والضيق
لو كان لهموم المشقى انتكاسه=يدله ويبدي فالطوال الشواهيق
ينحاش عن ضوضا المدينه براسه= فارضٍ خلا فيها يجر الطواريق
يسلم من الشارع ولجة حساسه=وبرامجٍ تخلف عقول المخاليق
يطلع من اجوا العولمه والسياسه=اللي تغث البال وتنشف الريق
مامن وراها الا الشقا والتعاسه=واخير منها سجةٍ في سواحيق
والا جنوب الدار يم اللساسه=مرتع عطايا الله طوال السماحيق
منها سعة خاطرومنها عساسه=وخوة نشاماً كلبوهم مطاليق
كسابة النوماس راسه وساسه=لاجيت اوصفهم كما النير وطويق
خط المسيره دارسينه دراسه=مزين حنين جيوبهم بالتعاشيق
يفداهم المسكين راع البلاسه=اللي يلفق دايم الحكي تلفيق
مشقاه طرد الصيد خطو الحواسه=في خايعٍ جايٍ لنبته زماليق
جول الحباري فيه تلقا محاسه=عابين له حرٍ يبت المعاليق
الطول والعرض متساويٍ مقاسه=المال في مثله يابو بدر ماسيق
طلاع لحاقٍ يثيرك حماسه=يشوش واليا شاش عطه المسابيق
على ابرق الجنحان ياقو باسه=لانازله والا الحقوه الملاحيق
واليا استكن الليل واضفى دماسه=جات المزوح الساميه والتعاليق
وفنجالٍ الضرمان يجلا عماسه=من جوف بيضٍ كنهن الغرانيق
وقصايدٍ فيها الحكم والسلاسه=مهوب بشعر اليوم نصه خثاريق
هذا حسب فكري وحسب اقتباسه=يالله طلبتك فالهدى والتوافيق[/poem]