[align=center]بسم الله الرحمن الرحيم .
السلام عليكم ورحمة الله وبركاته .
أسعد الله أوقاتكم بكل خير .
إطلالة جديده .... قصيدة كتبتها في عمي العزيز " عبد العزيز "
اترككم مع (( يـا عـــم ))
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الطيب لأهل الطيب والناس اجناس = والفرق واضح بين واطي وعالي
ياعم وقفاتك ترى مالها قياس = دامك ولد صالح ، صعيب المنالي
بعض البشر ميّت ولكن مع الناس = وابوك عايش ياعساه بدلالي
ياليت جدي بيننا رافع الراس = ويشوف ولده صار سيد الرجالي
عبدالعزيز اللي على المجد نبراس = شامخ وواصل بالشموخ المعالي
طيبك الى منه حضر فاح نسناس = وخيرك يبو صالح يفوق الجبالي
فيك المزايا النادره ، طيّب الساس = سمح ٍ كريم ٍ نلت كل الخصالي
تبعد عن دروبك شياطين خناس = ويملى طريقك اصفر اللون غالي
لو صابتك ضيقه ، تشجعّت : لاباس = مادامها من ربي اعلم بحالي
لو قلت عنك ماس ، يابخت الألماس = ولو قلت دمك من ذهب ، ما ابالي
ماينزل بوسط البحر ، كود غطاس = وانت ف بحر دنياك تجمع لآلي
كنك ابو ليلى والأحقاد جساس = ليث ٍ شجاعن ، همه كبد الغزالي
آمر يبو صالح ، والأهداب حراس = ياجعلني افداك ياراس مالي
أقسم بمنزل صاد والنور والناس = انك فخر للناس ، ابلا جدالي[/poem]
وسلامتكم ...
صالــح المرزوق[/align]