اليوم تطورت وصورت لكم الغدا انواع الربشه والفوضه تفشلت البيت كله عرف اني احط اكلنا بالمنتدى
المهم اليوم طبق رئيسي والله شي (( راح امدح نفسي شوي)) كل مايجتمعون يقولون صلحي برياني
المهم لاتضحكون عالاسلوب اعرف اطبخ بس ماعلاف اكتب الطبخه عشان كذا دايم اجيب اشيا سهله ماتبي لها فلسفه مثل اليوم
المهم ندش بصلب المطبوخ
المقادير
4 كاسات ارز ابو كاس حبيب كل الناس (( منقع بما حار )) لفتره بصراحه انا انقع الرز من بدري
دجاجتين مقطعه انصاف (( ترى منعدمه بالتعبير والشرح)) يعني الدجاجه لاشريتوها تذبحونها من النص بس كل نص لحاله وتسلق بما وبهار صحيح ( ان شالله فهمتو) متهو ذا المهم
الطريقه
3بصلات مقطعه جوانح تقلي بزيت كثير بحيث انه بعد مايصبح لون البصل بني ناخذ الزيت بقدر ثاني عشان نطبخ به الرز (( وهنا سر الطعم الجنان))
نجيب علبه زبادي نحط عليها (( زعفران+ ملح + ملح ليمون+ كركم + بهار مشكل + عصير ليمون ملعقه ما ورد)) نخلطها زين
نرجع للبصل طبعا لونه بني ماهو محروق نحط عليه الدجاج ونحرك زين الدجاج راح ياخذ من لون البصل ثم نحط قرفه وقرنفل مطحونيين وزعفران ( ونحرك زين)
لاصار لون الدجاج بني حطينا فوقه اللبن ونحرك (( طبخه نحرك )) ههههههه
نتركه 5 دقايق واذا احتاج الامر نزود مرق
بعدها نطلع الدجاج على جنب
وحنا سلقنا الرز بزيت البصل ومرق الدجاج نخلي حبه الرز شوي قاسيه (( قلت شوي)) بحيث لما نحطها على الخلطه تصير تمام
الرز نقلب ملعقتين كبيره حق الرز على الخلطه ونحرك زين ونحط الدجاج وترجع نحط رز واذا في مجال قلبنا
وبعدين نحط الرز الباقي طبعا مانخلطه مع الخلطه
ونكون حاطين بفنجان قهوه ماء كادي ورد مع زعفران ونحطه على الوجه ونخليه على نار هاديه
وممكن نحط كركم بعد على الوجه (( تجنبو الصبغات الملونه))
تقدمينه مع سلطه لبن
2خيار مبشور
اجزر مبشور
2علبه لبن زبادي
ملح + فلفل اسود+ عصير ليمون
ثوم + نعناع مفرم
نترككم مع الصور التذكاريه
وهذا ارسلته لبنت خالي عروووس
وهذي هي سلطه اللبن
ترى اصور الطبخات لمنتدى مجاور لاتقولون منقوله
المهم نرجو ان الفقره نالت على اعجابكم
شكرا لحسن متابعتكم مع احلى الاماني