ياليت بس اتقول عطني وانا اعطيك
نظرة عيوني لاجل ما اشوف غيرك
وياليت ثم ياليت ياقلب مغليك
تشوف بعيونك خوافي عشيرك
تشوف وشهو بالضماير امسميك
حبه وتحت الحب كلمة اسيرك
وياليت لو تامر ونا ارضيك وارضيك
وتقول مايفرحك واللي يثيرك
وياليت تسأل وين لو جيت اوديك
واقول بين اضلوع شاعر سريرك
هذا شعور اللي يحبك وشاريك
ولا فيه عيب ان قلت اود استشيرك
وش رايك انك بس تدعس مواطيك
بين الضلوع وجعل ربك يجيرك
من ماحصلي منك قل لي ايعافيك
ياواثق انه في يحرم خشيرك
افعل مرادك واحلف اني ما اجازيك
ومع كل هذا اعتبرني نصيرك
وقل وش تبي وش مطلبك قول واعطيك
يـــاهيه والله ماتـــمنيت غـيرك