[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ازيم الحمـل وارقـى بعزم(ن)وقـوة بـاس=وصبري على الشده يهـون مـن احباطـي
قنوع(ن) بمـا جانـي لان القناعـه ماس=ومؤمن بـان الـرزق مقسمـوم مالعاطـي
وعندي ضمير(ن)حي ماطعن بعرض النـاس=ولااتعمـد الزلـه ولا اكــرر اغـلاطـي
ولا اتبع هـوى نفسـي ومتعـوذ الوسـواس=حـذر هـادم اللـذات ولـه دوم محتاطـي
واذا جيت ابا اصاحب اصاحب عريب الساس=واجنـب دروب الـلاش ودروب متعاطـي
ولااهتم بالمظهـر ولا الغيـر لـي مقيـاس=امد الرجـل مـن غيـر ماجـاوز بساطـي
وما حكم احساسـي وعندي عقـل بالـراس=اميـز بـه الغبـه واميـز بـه الشـاطـي
واذا ذمنـي ناقـص مذمتـه لـي نومـاس=لان المذمه مـدح لـى جـات مـن واطـي
ومتوكل(ن)بالله واذا جـاء العيـون نعـاس=اعقـل الجمـل واحـط عقـدات برباطـي
[/poem]